佢為咗個女人想離婚,都話自己唔算出軌


  • 係我地有第一個小朋友嘅時候係佢第一次出軌,對方都有另一半,個次佢曾經想為咗個女人同我離婚,最終個女人「良心發現」,就向我坦白。我地四個人坐低,將所有事攤開講,佢地發誓冇發生過任何過於親密的行動。個次,我決定比大家一次機會重新開始。

    之後我成為一個好冇安全感嘅人,成日睇佢電話睇佢位置睇佢幾時上線已經成為三年嘅習慣,而佢都一直無再出軌,亦會一直同我報備。
    但係最近我發現佢突然同返一個以前識開好熟嘅女仔傾偈,當時個女仔有情緒病發咗我老公一次脾氣之後冇再聯絡。早排個女仔分咗手就突然搵返我老公同佢講對唔住,佢地係正常傾下日常事,但傾傾下我老公同佢講咗句「無論發生咩事我都會陪係你身邊❤️」。我都知,個女仔有情緒病好需要人陪伴同傾訴,係咪我真係太小心眼,我真係覺得句說話有少少踩過界。

    咁之後我直接拎件事同我老公傾,佢同我嘈,話唔明有咩問題,話佢地係好多年前識到依家,佢當佢細妹咁,加上佢有情緒病,同屋企人關係又唔好,好需要有人陪住佢。

    但明唔明,過分關心會好容易令人產生誤會,同埋我唔明咁耐無聯絡,個女仔唔會淨係得你一個朋友掛。講講下忍唔住提到佢出軌件事,三年來我一直都好努力去搵返佢比我嘅安全感,但依家件事令我心屈住屈住,忍唔住不斷開始亂諗嘢。點知,我老公同我講,佢話其實佢一直以來都唔覺得自己有出過軌,佢話三年前我唔體諒佢返工,咁岩佢打機識到個個女人,因為個女人會明白佢返工有幾辛苦,佢就可以得到安慰,佢係有做錯,但冇做過任何對我唔住嘅行為。

    我想講我聽到完全唔識回應佢,忍唔住帶住幾個仔女搵藉口返咗媽咪度。我唔明點解佢可以咁厚面皮,當初邊個為咗個女人想離婚,咁都唔叫出軌叫咩?我開始後悔點解當初要比多次機會佢,但我望住三個小朋友,我真喺唔知可以點做。個個朋友都叫我離婚,但離咗婚真係唔知點照顧佢地,佢地仲咁細個。。。


  • 好缺細妹咩依家😀


  • 你都可以帶住仔女去搵幸褔,唔算出軌


  • 男主角係咪叫張致恆😂


  • 我都唔明,生左一個就算啦,咁都仲同佢生第二第三個?


  • 離婚啦,佢真係唔愛你㗎啦,放過自己同小朋友。


  • 點解對條關係無安全感,又唔信個老公,但又同佢生小朋友,仲要3個………
    換黎又係,為左小朋友唔想/唔敢離婚
    做女人點解要做到咁呢


  • 你呢幾年過得開心嘛?其實你心入面都有答案㗎啦,外人講乜你都係聽完就算,然後就會話小朋友好細個點點點,只可以講家下離婚好普遍,你再係咁落去好快你都會有情緒病


  • 我建議呢兩夫妻搵婚姻輔導解決問題好過,最壞情況都係離婚……事實我諗網絡上無咩人有過呢方面既專業訓練來解決婚姻上的矛盾問題。經歷過既佢地做法又未必啱樓主個situation ,聽係要聽意見只不過應該聽專業意見,響度問即等同於請人食花生?


  • 我建議呢兩夫妻搵婚姻輔導解決問題好過,最壞情況都係離婚……事實我諗網絡上無咩人有過呢方面既專業訓練來解決婚姻上的矛盾問題。經歷過既佢地做法又未必啱樓主個situation ,聽係要聽意見只不過應該聽專業意見,響度問即等同於請人食花生?


  • 大家都係成年人,正常都有同性異性朋友;點會唔知底線到邊,踩過界唔肯認只是扮傻。

    夫妻之間有問題應該兩個人商量去解決,冇可能話伴侶某段時間「唔夠體諒我」就向其他人尋求心靈慰藉。
    —————————
    呢個世界唔係所有錯都可以被原諒。
    更何況你老公甚至唔覺得自己有錯。

    佢出軌出到唔理自己老婆同親生仔女既感受、已經唸到離婚,你竟然選擇原諒。

    作為一位母親,你係咪真係有資格代表仔女原諒佢?
    —————————
    小朋友慢慢長大自然會觀察/估到發生咩事,對佢地既成長一定多少會有影響。

    老公不忠,你滿腦子都只係考慮自己感受。
    有冇唸辦法令仔女既利益最大化,儘量將對佢地既傷害同影響減到最低?
    ——————————————————
    如果你唔再當呢個人係「老公」,唔再抱有無謂既期待;而當佢係「子女助養者」,你會舒服好多。


  • 冇安全感又可以同佢繼續生兩個小朋友?這道題我唔會做,下一題。。。😂


  • 香港邊個返工唔辛苦😂咁咪個個都要出軌😂不過咁辛苦仲邊得閒出軌


  • 啲蠢人真係好鍾意生仔


  • 好明白你個種無助、失望嘅感覺。你依幾年都過得好唔容易,亦都好難完全走出之前被背叛嘅陰影
    佢否認可能係因為佢覺得你唔理解佢,你唔去關心佢,係你錯在先,所以佢先會出軌
    佢依個諗法係好唔啱,但正正反映出你哋平時嘅相處同溝通模式可能出咗問題,雖然唔太清楚你地平時係點,可能大家工作上都好忙,又或者平時較少分享自己嘅心情
    如果你未想離婚住,想睇下有無其他方法嘅話,可以見婚姻輔導,雙方一齊透過輔導員依個中間人搵出衝突源頭,然後再傾下有冇大家都接受到嘅解決辦法
    至於小朋友方面,就算你最後選擇離婚都好,你地可以共同撫養佢地長大,最緊要係大家都有個共識,盡量減低對小朋友嘅影響,畢竟佢哋仲細,唔好破壞到佢哋脆弱嘅心靈
    而你自己都要好好保重,就算佢唔去見婚姻輔導,你自己都可以單獨見輔導員,解開心結擺脫痛苦要緊


  • 如果你有能力自己湊大幾個細佬,離婚其實又唔係幾大件事,如果你現在淨係可以靠住個老公生活,甘你只可以委曲求全

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 16
  • 16
  • 16
  • 16
Copyright © 2023 elahk.com. All Rights Reserved.
Sponsored by facialhk.com