佢生日post阿媽既合照,但我連個story都無


  • 小妹今年26歲,同男朋友拍左兩年半,中間散過兩個月,後尾佢番黎搵我認錯同承諾會改變,所以我心軟同番佢一齊⋯但發現真係本性難移,好似浪費緊時間磨合一段唔適合嘅感情😭😭

    首先,講吓我本身個人Lifestyle係點~我係一個鐘意將日常生活post上IG嘅女仔,但唔係舊時小學雞個隻咩大小事都出post討拍個種🤣只係鐘意Post同男朋友、朋友、家人一齊去過玩過嘅地方,大時大節偶爾出啲感性文咁,平時都鐘意同朋友係IG互動互Tag,覺得比人Post/比人Tag會幾開心,因為感覺被對方重視/係對方生活圈入面😊

    同呢個男朋友未一齊個陣,我都會出下story po同佢嘅互動,但佢個陣都只係post風景/食物相,唔會有「人」嘅元素係入面,咁我都明嘅,未一齊唔出樣都正常。

    後來瞹眛左3個月我地一齊左,之後一年都係得我單方面post佢,我開始覺得唔開心,甚至出聲問佢點解從來唔post我,佢話唔鐘意將私人感情擺上Ig,兩個人enjoy咪得,我理解但唔認同,心入面一直有條刺🗡️。

    因為佢生日會Post佢同佢媽嘅合照,caption仲好肉麻講永遠愛你個啲,跟住佢媽生日又會買花比佢,又會出Post講愛你個啲說話。反而,身為佢女朋友嘅我未收過花仲好似隱形咁,唔好話post,一個story都唔會出,唔會表示同我慶生好開心之類嘅說話😣

    今年第3年同佢過生日,佢生日個陣係平日,我專登請兩日AL安排同佢去海洋公園staycation+第一次同佢入海洋公園玩,佢全程都冇拎過手機同我出黎影相,全程只係平靜地過完就完,好似覺得無乜特別、無乜興奮、無乜感恩有我同佢過生日。係呢個強烈對比下,我覺得佢唔愛/唔夠愛我/唔想同我確定關係住,其實呢個問題傾過好多次,大家意見都係相反,唔知點達成共識⋯⋯😮‍💨😮‍💨

    除左呢個問題外,日常生活上佢對我都正常體貼嘅,做普通情侶會做嘅事,份人都老實可靠,日常生活仲非常規律,只係時間耐左,當初以為可以將就嘅缺點越來越變大,周不時我會因為呢樣野忍唔住喊,諗唔到點解決,好辛苦,想問有冇同我一樣面臨呢個問題嘅bro/sis…你地會點做🥹?


  • 不如直接同佢講:我想你po 我上去


  • 唔po story ,但有冇公開你先?冇公開一段關係多數騎牛搵馬架啦


  • 睇到勁多人留言都唔理解仲要話你,想話你知你並不孤單,我完全明

    首先唔太用ig 個堆人其實係唔會明你個份緊張同執著。作為ig active user 時不時都會出story 出post,其實都會想另一半同自己一齊用下ig,互tag 下互動都係樂趣來。

    其次先係對等同安全感問題,真心如果自己單方面係咁po 另一半但對方完全冇,就連最簡單禁個制repost story 都懶係真係難免會有點失落,會覺得唔對等,日子耐左一定係一個議題。

    安全感來講,ig 其實都幾重要同幾影響,唔po 對方講白d 就係對另一半有所保留唔確定,係怕轉個頭就散左分手之類

    就咁睇你男朋友都係會用ig 嘅人,睇留言真心唔知d 人覆緊乜😂 完全唔關咩私隱事,如果一個人真係咁重視私隱,點會po 日常生活以至屋企人?😂

    作為過來人,好明白,除非大家都唔用ig (即ig 只用來睇野唔po 任何野或完全唔用) 如果唔係,是但一方一定有感受,以往我拍拖都係對方日子耐左開始覺得唔對等而爆我炸同我嘈,我自己問心就想睇定d 唔想咁快公開 (身邊朋友都知我拍拖,但po ig 真係對外大宣布) 宜家大反轉估唔到都會有我爆嘅時候,宜家拍拖反而係我有po 對方 (唔出post 都有story 始終日常生活或同朋友玩都會po 下點會唔想po 另一半) 而對方比較少,我都忍唔住講到喊哂覺得好辛苦

    講正題,拿咁好真心,對方愛唔愛你其實從好多細節都會睇到感受到,你又唔可以用ig 來講,不過,兩個人之間一件事,對外又一件事,唔係話要放閃曬命,只係適當安全感要做好做滿,有拍拖嘅成個ig 點可能睇落似個單身漢,現今社會識新朋友通常都交換ig ,試下同佢溝通下,唔好嘈唔好爆炸,令佢係壓力下而po 當交功課都冇意思,你可以嘗試令佢明白,咁正常一個人係緊張你都會試下去配合,一人讓一步,好似我見有人有留言話就算唔出樣,可能影下兩張戲飛之類呢d 曖昧story 都夠,都係24小時限定等所有人知佢唔係單身,其實好簡單,事在人為,想講句加油!


  • 下?我都會覺得唔開心,上面留言嗰啲係咪未拍過拖?其實一齊咁耐,總有啲佔有慾,總會想喺佢嘅社交平台度出現自己嘅身影,唔係話post 唔post 好重要,只不過係自己另一半都提出一個咁小小嘅要求,就算間唔中配合下都好正常啫,但係如果做都唔做,或者從來都未post過其實真係會懷疑究竟佢出邊係咪有第二個,定係想維持佢單身嘅形象


  • 唔po story ,但有冇公開你先?冇公開一段關係多數騎牛搵馬架啦


  • 明你感受🙌 人人生活習慣唔同,如果你男朋友唔中意post關於你既野,甘就唔好嘗試改變佢喇~比啲空間佢❤️ 你可以post同第個男仔既合照嫁嘛😂🙌🏻(講笑


  • 睇到勁多人留言都唔理解仲要話你,想話你知你並不孤單,我完全明

    首先唔太用ig 個堆人其實係唔會明你個份緊張同執著。作為ig active user 時不時都會出story 出post,其實都會想另一半同自己一齊用下ig,互tag 下互動都係樂趣來。

    其次先係對等同安全感問題,真心如果自己單方面係咁po 另一半但對方完全冇,就連最簡單禁個制repost story 都懶係真係難免會有點失落,會覺得唔對等,日子耐左一定係一個議題。

    安全感來講,ig 其實都幾重要同幾影響,唔po 對方講白d 就係對另一半有所保留唔確定,係怕轉個頭就散左分手之類
    .
    就咁睇你男朋友都係會用ig 嘅人,睇留言真心唔知d 人覆緊乜😂 完全唔關咩私隱事,如果一個人真係咁重視私隱,點會po 日常生活以至屋企人?😂

    作為過來人,好明白,除非大家都唔用ig (即ig 只用來睇野唔po 任何野或完全唔用) 如果唔係,是但一方一定有感受,以往我拍拖都係對方日子耐左開始覺得唔對等而爆我炸同我嘈,我自己問心就想睇定d 唔想咁快公開 (身邊朋友都知我拍拖,但po ig 真係對外大宣布) 宜家大反轉估唔到都會有我爆嘅時候,宜家拍拖反而係我有po 對方 (唔出post 都有story 始終日常生活或同朋友玩都會po 下點會唔想po 另一半) 而對方比較少,我都忍唔住講到喊哂覺得好辛苦

    講正題,拿咁好真心,對方愛唔愛你其實從好多細節都會睇到感受到,你又唔可以用ig 來講,不過,兩個人之間一件事,對外又一件事,唔係話要放閃曬命,只係適當安全感要做好做滿,有拍拖嘅成個ig 點可能睇落似個單身漢,現今社會識新朋友通常都交換ig ,試下同佢溝通下,唔好嘈唔好爆炸,令佢係壓力下而po 當交功課都冇意思,你可以嘗試令佢明白,咁正常一個人係緊張你都會試下去配合,一人讓一步,好似我見有人有留言話就算唔出樣,可能影下兩張戲飛之類呢d 曖昧story 都夠,都係24小時限定等所有人知佢唔係單身,其實好簡單,事在人為,想講句加油!


  • 佢應該未到好鐘意你。如果一齊3年連一個post / story 都無提及你,未必係想方便出軌/騎牛搵馬既,不過就多數未到好愛你 非你不可。如果你現實中有很足夠既安全感,相信你唔會將ig story / post 睇到咁重。


  • 大把人唔post la
    成能日要人post個類散得愈快


  • 大把人唔post la
    成能日要人post個類散得愈快


  • 原來一段關係係建基於IG上面


  • 又咁講,樓主你要同伴侶再好好溝通,如果你真係覺得要喺佢社交平台入邊出現你係好重要嘅話,咁你要明確話俾佢聽,如果佢都係藉口多多嘅話咁真係可能有嫌疑,我知有啲男仔會可能話純粹唔鍾意,覺得係兩個人嘅事,但係如果傾過好多次都嘈交,而你又妥協唔到,佢又唔肯配合嘅話,你預咗只會越嘈越多交,一係就嘈到佢肯妥協為止,有時有啲嘢男朋友真係要調教


  • 明你感受,的確係幾唔開心,但背後都可以反映出你平時同佢相處欠缺安全感,所以先想藉住ig 確認你地既關係,我曾經都經歷過,坦白講,對方唔想post 真係逼 唔到,但係諗深一層,佢有冇將你帶去同佢家人同朋友食飯、介紹過俾佢地識先?如果佢有咁做,我覺得你可以唔洗太care ig 既事, 但你都覺得唔係好夠,你又同佢講過咁多次好想佢post 你, 而件事已經嚴重影響到你既情緒,佢都知你好care 但都冇選擇讓步,佢夠唔夠愛你,我唔可以單靠一個post 作出肯定,但肯定既係佢唔係太重視你感受。同樣差唔多既事,可能以後仲有好多,睇吓你接唔接受到,如果接受唔到,早分手好過


  • 你地對愛情既期望有出入 你需要佢愛得高調 但佢唔認同,無乜邊個錯 唔夾都無計


  • 下?我都會覺得唔開心,上面留言嗰啲係咪未拍過拖?其實一齊咁耐,總有啲佔有慾,總會想喺佢嘅社交平台度出現自己嘅身影,唔係話post 唔post 好重要,只不過係自己另一半都提出一個咁小小嘅要求,就算間唔中配合下都好正常啫,但係如果做都唔做,或者從來都未post過其實真係會懷疑究竟佢出邊係咪有第二個,定係想維持佢單身嘅形象


  • 你寧願要一個IG 事事都post 你但真實成日消失唔理你唔體貼嘅另一半,定係日常生活體貼你又事事理你嘅另一半?

    我識得一對夫妻,個男人成日出post tag 另一半,個女人以為男人好愛佢但個男人成日去滾


  • 唔想分手嘅話就唯有改變自己。唔好po你男朋友上ig ,你生日果陣佢點對你,到左佢生日你就照辦煮碗咁對佢。起碼你會覺得公平少少🤏

    不過係我就直接分手算了,都唔夾😂


  • 其實post story真係咁重要?

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 匿名

    比佢生!比佢生!

    閱讀更多

  • 匿名

    有冇諗過可能佢老婆帶仔女飛左去外國,佢負責留係香港揾錢,不過佢老婆set左cam係屋企,就係為左check佢有冇偷食,or覺得只要唔偷到返屋企就隻眼開隻眼閉,所以咪從來唔畀你上佢屋企

    閱讀更多

  • 匿名

    唔好害咗bb,同埋記住超渡嬰靈, 唔係講笑

    閱讀更多

  • 匿名

    唉⋯⋯一齊5 個月,對人完全唔了解,連人係咪有婦之夫都唔知⋯每個月比兩萬你就以為對你好😅,你的愛情係用兩萬來衡量ga 咩? 有d人可以ge, 但又係你話其實果兩萬對你來講係少,你自己一個月都唔只搵果個數⋯
    其實呢個情況,你覺唔覺得自己比人包呀?
    佢話比兩萬你開少d工/唔好返工,你覺得佢晚晚陪你啫,但外人睇似係佢用錢包你(外搭你對佢的感情分)你晚晚陪佢wo…
    答你問題,我當你廿歲啦,個男人大你二十年都40 歲啦⋯係正經人家、係負責的話又點會「太早、未準備好」呀? 仲要咁攪笑幫你評定埋「你自己都未準備好」😂
    半年來佢每晚同你出去玩,日日見面,所以你唔覺得佢係有老婆😂⋯你呃人定呃自己? 我淨係見到一個疑似有婦之夫,每晚扮OT 凌晨三點至返屋企,注意!佢係每晚都要返屋企!你又未上過佢屋企,佢講你又信?
    我覺得你冇咁蠢,始終做夜場ge女仔比人感覺都幾醒目,因為要識得保護自己,呢單野你擺明自己呃自己⋯
    其實我估你係咁,你宜家都心知個肚唔留得,但你亦心存僥倖,想搏一搏,搏佢並非有婦之夫,搏佢唔係連仔都生左兩名,諗住死纏多陣先,可能講多兩講、威脅多兩野,佢總會是但一瓣落搭,所以你對佢講「落仔都得,但要即刻結婚」,耐何佢連呢個offer都拒絕⋯
    佢識玩呀,熟成到佢咁ge男人,又出開來玩,你無啦啦冇食避孕藥有左點解要我埋單?都講左唔會要啦⋯你又用一係落仔一係結婚來講數,點會咁蠢比你講數到呀?重點係玩得果5 個月咋,就攪單咁ge野⋯死人都唔會承諾你d咩野,錢,可以比(少少)你,但玩到又大肚又結婚,會攪到佢一個有婦之夫好頭痕⋯
    其實你心知拉扯多一排,佢一定發老爛走人,咁就要睇你自己想唔來要個bb, 你能唔能夠單親,又或者你醒目,唔想冇左佢呢條水喉,去到呢步亦都估到佢老底,你自己解決件事,再扮無知咁拍多一陣拖⋯在佢身上拿得幾多得幾多⋯
    我覺得成件事就係咁lo…你可能覺得自己好慘,但其實最慘都係果個未能出世的bb…

    閱讀更多

  • 匿名

    咁你自己停左藥唔報仲好意思話人不負責任?
    其實你係咪想有心裝佢
    好似之前果單偷精造人成功迫條仔埋單?

    閱讀更多

  • 匿名

    宜家都唔同你結 點解會信落左之後會同你結😂

    閱讀更多

  • 匿名

    樓主好多野都好一廂情願渦。
    一齊左5個月就吾要自己份工 為佢賭上將來。
    仲要吾食藥 諗住佢會埋單
    但有冇諗過人地既生育計劃係點先。搞笑係連屋企都未上 家長都未見就要結婚生bb 🙃 樓主你都幾大膽渦。

    閱讀更多

  • 匿名

    男人有無老婆都好,但明顯唔想你做佢老婆

    閱讀更多

  • 匿名

    將包養講到咁清新脫俗都算少見。
    ·
    佢由始至終都好清晰自己既角色,反而你越位了。
    ·
    一個每隔一兩個星期就可以比1萬你做零用錢既人話自己養唔起小朋友,態度其實都唔算係暗示了。
    ·
    一個出黎買,一個出黎賣。
    你竟然同佢講將來講家庭講結婚?

    閱讀更多

  • 匿名

    今年6月係公司識左個大我差多二十年嘅男朋友。 佢好錫我 我哋差唔多日日見,佢會帶我周圍去食嘢去玩 時不時俾家用我(一或兩個星期一次 每次一萬)我知好多人會覺得奇怪點解佢無啦啦俾錢我🤔

    其實係因為我係返夜場,可以一日搵好多。為咗同佢一齊我寧願唔返 佢話補貼俾我 我平時都要洗費(但我通常都話唔要,但佢都會照俾),不過其實個度連半個月人工都唔知有冇。我講岀黎,唔係怪佢 亦從來冇咁樣諗,我只係想講我為佢賭上我嘅將來。因為呢一行係可以話靠青春食飯 我返呢行唔係貪錢 我從來都唔會買奢侈品名牌 (有嘅,我淨係兩年前生日買過一個袋俾自己)我只係想搵多啲錢將來可以唔使咁辛苦,可以買樓退休。

    佢知道我一直都有食開避孕藥 ,但係因為我懶咗食我疏忽 所以九月尾黎完m到而家成個月都冇嚟到 佢間唔中有問過我有冇食藥,我都會覺得好煩開頭都會串佢話做咩啊你好擔心呀唔想負責任?佢都會話咁如果有咗BB點算,佢就會話返我,話我都未準備好。但係我可以為佢準備好又知唔知呢?我想同佢組織一個家 想同佢行落去 簡簡單單咁生活。

    到咗前日佢叫我驗下係咪有咗,因為我太耐未嚟M 喺未驗之前 我問佢如果有咗點算 佢同我講話佢唔想要 未有打算 負擔唔起住 又話自己有糖尿病怕遺傳比BB 會害左個bb。話因為幫佢前度買樓 欠銀行好多錢起碼要還幾年(但最尾都撻訂咗),又話同我一齊之後銀行冇咗二十萬 (好似怪緊我,雖然佢話唔係)所以而家係入不敷支⋯⋯ 但其實我唔係要我嘅生活日日都五光十色,我係願意過住啲平淡嘅日子,煮定飯等佢放工返嚟。但係一齊咗差唔多五個月,我都未去過佢屋企 。我有問過佢點解 佢話因為佢之前有個女朋友分咗手上佢屋企偷嘢, 所以令到佢屋企人抗拒 佢係同佢屋企人住 但係層樓自己買 同埋佢屋企人見到我同佢年紀差距一定會好多說話。

    佢話如果我一早同佢講停咗藥 佢就會做安全措施 我話佢不負責任,佢問我想佢點樣付 我話唔要BB都得一係去簽結婚紙 但係佢連咁樣都拒絕(當然我有堅持話要生 佢話覺得我未成熟到可以應付 我太倔強 太早 驚佢個病遲早會喪失工作能力會影響我,咁樣令佢好大壓力)

    我問佢係咪同我玩玩下 ,淨係想有人陪 佢答我因為同我一齊 ,佢瞓覺打機嘅時間都少咗好多 點解我仲咁樣覺得 而且日日我話要去邊度去都會就我。又係嘅佢每晚都陪到我好夜 起碼凌晨三點先返屋企 但係其實佢要朝頭早七點要起身反工 而且日日洗費都多。佢話佢要玩 要人陪唔使咁樣 因為佢去夜場多數都係判頭埋單。其實我有諗過佢會唔會係有老婆會唔會有第二個但係呢五個月佢日日收工都即刻搵我 陪到我凌晨先返屋企 有老婆嘅,應該唔可以咁樣做。

    佢話應承我係我唔要佢之前佢唔會唔要我 想同我行落去 ,但唔想比呢啲嘢綁住覺得太早太快 或者等如幾年後大家再了解先。但係我認定左係佢真係好想同佢結婚 我未試過咁想同一個男人生
    我唔知,佢係真係有困難定係唔想對我負責唔夠愛我?但係佢為咗我犧牲左打機瞓覺嘅時間同埋錢 而且我感覺佢都好似好愛我 希望各位大神可以比到意見我

    閱讀更多

  • 匿名

    有冇可能係你自己敏感得滯🥲
    咁落去遲早逼走你男朋友

    閱讀更多

  • 匿名

    俾個❤️❤️你

    閱讀更多

  • 匿名

    不如搵下自己無安全感個源頭係邊先,得你先幫到你自己改變ahh!

    閱讀更多

  • 匿名

    我男朋友會sd比佢兄弟🤣🤣🤣

    閱讀更多

Copyright © 2023 elahk.com. All Rights Reserved.
Sponsored by facialhk.com