男朋友有層樓,唔肯加我個名


  • 我同我男朋友一齊咗7年,打算今年結婚。本身佢有層樓,但係仲有1/3未供完。因為佢人工唔高,所以一直都係佢媽咪幫佢供一大半。佢同我講,如果結咗婚之後希望我可以幫手供一半減輕負擔,佢唔想再辛苦佢媽咪出錢。我就堅持要佢加我名落層樓去先幫佢供,否則我就一蚊都唔會供。

    點知佢聽完勁嬲,話咩「如果唔係佢本身有層樓我哋就要租屋住,宜家幫補幾千都唔得?反正到時佢死咗層樓都係我。」其實如果佢冇樓我唔介意幫手比租金,但宜家佢係有層樓,既然要我出錢好理所當然就要加我名架啦,點解要我白白付出錢但咩都冇?如果到時佢要同我離婚我咪好冇保障?加上結左婚我都係想佢比一份保障我,唔通咁都有錯?我朋友老公佢買樓仲要供晒都係直接寫佢老婆名,我只係想加我名都唔係好過份姐。其實佢對我有保留點解仲要同我結婚呢?


  • 人哋同你規劃結婚,你就已經諗埋離婚🥹


  • 🤨咁搬出去一齊租囉


  • 供1/6就要落埋你名好似都唔係好啱數喎


  • 哇 出隻豉油碟就想食人半隻雞😂
    咁鐘意AA 擺酒叫人包人情分兩份好無


  • 如果租屋你會幫手交租,咁你依家比錢當交租都make sense🤔
    其實如果你2個都咁計較,咁好似都唔係咁適合一齊


  • 其實只要結左婚都可以分身家,, 不如keep 返個首置等你買另一層樓平d 好唔好


  • 冇記錯,如果你第時證明到啲錢係用嚟供樓,即使層樓冇加你名,第時打官司好似你都可以按你比過嘅錢按比例分番業權


  • 我建議你借錢比男朋友算,大家都咁斤斤計較,咁白紙黑字寫明暫時周轉咪算囉👍


  • 公說公有理婆說婆有理
    根本個男就唔應該張自己同女朋友放係呢個難題到
    自己想減輕媽媽負擔就應該自己揹番條數
    自己搵番多啲錢嚟供樓
    自己搵得唔多要呀媽同女朋友供樓係咩玩法?
    一係就個女負責其他家庭支出


  • 事實上
    除非你地結婚前簽左特定嘅婚前拹議,否則兩人婚後喺法律上都係視為一體,當你地離婚果時都有權分層樓

    Btw
    其實睇完你篇野,我諗即使果個男仔只係同你講婚後想你都投入啲錢落頭家度,你都會要求佢喺層樓度加你個名架啦,關咩幫唔幫人供樓事。
    而且你未結婚就諗定離婚後嘅錢銀分配,就算條仔本身想加你個名,聽完你咁講都唔會加啦🥱

    其實我地成日笑尻啲大陸女人勢利嘅時候,不如諗下自己做出黎嘅野同啲大陸女人有冇咩分別


  • 下 但一齊住本身有冇付出其他支出先?理應要交租金


  • 有份供加名好正常,按比例囉。你條仔本身無乜承擔,佢媽供得辛苦係為左佢,如果佢心痛阿媽,應該係佢承擔返個責任,有乜可能宜家將個責任轉嫁俾你又唔俾加你名?


  • 有份俾錢就應該有份落名,站係商業角度都係半買半賣,你出咗錢但攞唔到應得個份邊有免午餐㗎,你試下問佢買股票唔要張票睇下得唔得🤑


  • 首期人哋俾,供又供咗三分二,淨返三分一大家夾份供,到時離婚賣樓就分到成半,你個算盤都計得幾盡😇


  • 你要加名就應該畀返市值一半男朋友先啦,如果公平計;我都唔清楚可唔可以寫你佔1/6,因為供剩1/3,你供一半即係1/6。

    一係你提議同男朋友搬出去第二個單位住,男朋友間屋放租自行供款。咁就可以得償所願,一人一半租。👏

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 16
  • 15
  • 16
  • 16
Copyright © 2023 elahk.com. All Rights Reserved.
Sponsored by facialhk.com