男友20幾歲人,仲同阿媽一齊瞓


  • 我21歲,男友24。我同佢一齊咗一年幾,一直都冇乜鬧交,日常相處都唔錯,但近排同佢屋企人一齊去旅行就發現有啲問題。。。

    平時都有上佢屋企食飯坐下咁,都知佢好痴呀媽。但依家同佢成家去旅行,發現佢唔止係同呀媽frd嗰種close,甚至令我覺得佢地親密得過咗界。因為佢媽中意一齊玩唔分開,佢就全程痴住佢呀媽,兩個人一齊翹住手行,我就自己跟喺後面。。。夜晚同佢講可唔可以理我多啲,顧下我感受,始終我同佢其他屋企人都唔太熟,佢就話依個係佢家族旅行所以要痴住佢呀媽冧佢開心,同埋以佢呀媽感受行先。

    好啦,我接受,覺得算啦三年冇去旅行咁咪當佢真係想冧下佢呀媽先咁。但佢每朝都會問佢媽咪著咩衫,撘緊車講每句野都會加媽咪,食咩買咩都會問咗佢先。我話覺得佢咁樣好似媽寶,佢話依啲叫尊重。但又唔見佢對住佢呀爸細佬咁樣,只係會成日叫呀媽。我覺得喺佢呀媽面前我完全俾人leftout咗。又係佢自己邀請埋我一齊去,結果我去到就好似冇乜存左價值,佢有佢媽咪就ok咁。。。

    我男朋友仲會公主抱起佢呀媽,同佢呀媽back hug,甚至會一齊訓覺。有一日佢問佢呀媽今晚可唔可以一齊訓(我地book咗民宿全部人訓同一間房),佢媽竟然係話今晚唔方便而唔係拒絕🤯跟住就俾我知道原來佢地會一齊訓。我知道之後真係覺得好噁心,完全接受唔到,同返佢講佢俾我嘅回覆係咁樣係冇問題,佢地一直都係咁樣相處,係我同屋企人唔夠熟先唔會有依啲親密接觸。

    但我心諗就算我同我老豆再close都唔會攬住一齊訓掛?我覺得咁樣嘅母子關係已經越曬界,但同佢講佢話係正常,我地已經嘈過幾次但佢話係我太敏感,我小題大做,同埋佢話佢同佢呀媽之間做乜都唔關我事。其實我唔想破壞佢地之間嘅關係,亦唔想破壞我同我男朋友之間嘅關係,但我真係覺得好辛苦。想問下大家我可以點做,同埋想知道係咪我接受程度太低或者我對兩性認知有問題。🙏🏻


  • 好岩問佢一個問題「如果我同你呀媽一齊跌落水,你會救邊個先?」


  • 諗下如果要同呢個人做人世,咁鍾意啊媽,睇怕都會搬埋一齊住。你以後每日都會見到佢去旅行時同啊媽既互動,同埋佢會事事都以啊媽行先。
    你接唔接受到?接受到可以繼續,唔得就早啲分開,仲後生,世界好大。


  • 唔好講尊重先
    男女大防 講緊開始邁入青春期已經要識呢樣野😂
    我爸爸係我8-9歲個陣已經話唔可以再坐大脾/騎膊馬
    細嘅唔識大嘅要識啦下話😂😂😂


  • AV情節?認真mode 媽寶男永遠排屋企人係第一位,你預咗之後有任何爭議,都要受委屈😂


  • 叫佢同佢媽拍拖啦🫢


  • 明明係媽寶但講成尊重,廿四歲仔仲要同阿媽訓,咁佢應該同佢阿媽拍拖結婚而唔係你,你放過佢等於放過你自己,你緊咬唔放就必然一生厄運。


  • 今晚唔方便?這句好有問題😂😂 我諗大部分人只會覺得係上演AV情節


  • 媽咪,我同唔同呢個女朋友結婚好丫?
    媽咪,我比幾多禮金好丫?
    媽咪,我比幾多圍女家好丫?


  • 我17歲既時候就比屋企人放棄左,自己住,我都想有佢咁溫馨既家庭🥲
    好羨慕朋友都有屋企人


  • 我反而覺得佢媽果句「唔方便」有d恐怖🫣點解會需要方便,一齊訓覺會做d乜🫣


  • 歡迎收睇極品美熟婦單親媽媽攜兒子上演激情母子xx🔥


  • 老老實實媽寶已經係好婉轉嘅講法,已經係有啲戀母情節咁🤢cls香港


  • 搞佢老豆🤭之後你地就皆大歡喜


  • 遠離群腳仔 保平安


  • 就咁睇係有啲似媽寶既😂但如果唔係太過份影響到關係其實可以無視就算

    今次之所以咁大影響係因為一齊去左旅行姐,建議無下次,咁就眼不見為淨

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

Copyright © 2023 elahk.com. All Rights Reserved.
Sponsored by facialhk.com