原來一直偷我錢的人,係我女朋友!


  • 同女朋友一樣年紀,大家都有穩定收入。
    事緣就係前幾個月前我開始發現銀包成日少咗錢,一開頭小數一二百都冇為意,以為係自己唔知洗咗去邊度,重同女朋友講成日洗咗啲錢唔知去邊。

    之後真係好頻密,而且都係500-1000。我回心諗下先覺得自己有乜可能咁大洗,所以我就down咗啲app紀錄自己洗費,每日都睇清楚銀包有幾錢,佢知道我有留意自己少咗錢,果段時間就冇再唔見錢,慢慢我都冇專注啲錢銀問題。

    直到有晚佢過咗黎我屋企訓,第二日發覺銀包少咗1500,驚係咪自己大頭蝦記錯,所以冇同佢講。之後銀包都一直少咗錢,我先開始懷疑身邊人,諗翻起啲時間點,每次都係佢過黎我屋企訓先唔見錢,我個心好唔舒服,如果唔係佢偷,我一定會好愧疚,內心好爭扎,真係好唔想懷疑佢。

    我抵擋唔住自己內心,第一日將現金唱曬做100,然後係啲唔起眼地方做記號,第二日就換翻大紙,再翻屋企搵佢幫我唱翻啲錢,終於比我發現原來一直偷我錢既人係佢。我知成件事係好on9,但係要我開口直接問係咪佢偷,就太傷自尊心。

    其實佢唔係每日都過我屋企訓,真係咁啱佢一連幾日都黎訓,我先有呢個機會,都唔知係好事定壞事。我可以肯定既係佢一定唔係屋企有困難,或者身體有咩事先咁做,我都好想知佢動機係咩,係咪應該攤出黎講。

    睇完應該覺得我係on9仔,因為宜加講曬成件事我都覺得我係。


  • 偷得錢個人都唔慌正直,同埋就算有咩事男朋友係可以商量嘅人,何必去偷😮即係佢用d 錢一定係你接受唔到嘅地方


  • 我唔係好明點樣發現佢偷錢果段,係米得我有閱讀障礙?求解釋


  • 應該係樓主唱左好多張$100並mark左記號,之後就用大紙同女友唱$100,唱完發現女友比佢嘅$100有記號,就知係女友偷。(我都諗左一陣先明,少癲少迂迴)


  • 佢首先唱晒做$100,再係啲$100度做記號(等佢女朋友偷)
    第二日,唱返$500/$1000再搵佢女朋友唱散佢,女朋友用第一日偷嘅錢($100)唱返俾樓主
    樓主啲$100有記號,所以知道咗係女朋友偷嘅


  • 應該係第一日樓主撳晒啲$100 紙出嚟做咗記號 等女朋友偷
    第2日撳張$500 $1000 出嚟叫女朋友同佢唱錢,而佢女朋友拎返啲樓主做咗記認嘅$100 紙出嚟同佢唱 咁樓主就confirm啲$100 紙係比女朋友偷


  • 直接同佢攤牌啦,有難處咪講出嚟。先唔講佢係咪你女朋友,偷錢已經係唔啱嘅事。


  • 其實佢依家都咁唔專重你自己啲錢嘅話
    到時候結婚你咪要比曬啲錢佢?
    傾完就分手啦 話我道德L都係咁話


  • ed大是大非既都咁低底線 以後點做人老母教小朋友 認真諗諗啦👏


  • 過夜數唔洗找呀?😂


  • 可能係好奇


  • 其實你女朋友係ptgf ,所以要比肉金. 只係你一直以為ptgf 都係gf 所以唔需要比錢?😏
    (講笑啫 大家勿認真😂)


  • 會唔會係佢想幫你地將來儲錢? 雖然可能性不大,但有機會驚你成日帶咁多錢出街亂洗先幫你收起?!


  • 每次過夜,都要拎返一二百,重要之後加碼到五百一千🫲🏻👀你有冇了解清楚女朋友返咩工👀🙏🏻?


  • 細時偷針,大時偷金,唔通你想佢繼續咁偷落去咩


  • 人品有問題 建議分手
    有問題可以傾
    點解要偷?


  • 佢知你留意個陣就唔偷,難道你留意個陣個困難就無左?
    同埋你唔問都係唔心息架啦,如果可以扮無野就唔洗上黎問


  • 佢知你留意個陣就唔偷,難道你留意個陣個困難就無左?
    同埋你唔問都係唔心息架啦,如果可以扮無野就唔洗上黎問


  • 咩原因偷錢都唔可以原諒🙃

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 16
  • 16
  • 16
  • 16
  • 15
  • 16
  • 16
  • 16
Copyright © 2023 elahk.com. All Rights Reserved.
Sponsored by facialhk.com