原來一直偷我錢的人，係我女朋友！

[匿名]

同女朋友一樣年紀，大家都有穩定收入。
事緣就係前幾個月前我開始發現銀包成日少咗錢，一開頭小數一二百都冇為意，以為係自己唔知洗咗去邊度，重同女朋友講成日洗咗啲錢唔知去邊。

之後真係好頻密，而且都係500-1000。我回心諗下先覺得自己有乜可能咁大洗，所以我就down咗啲app紀錄自己洗費，每日都睇清楚銀包有幾錢，佢知道我有留意自己少咗錢，果段時間就冇再唔見錢，慢慢我都冇專注啲錢銀問題。

直到有晚佢過咗黎我屋企訓，第二日發覺銀包少咗1500，驚係咪自己大頭蝦記錯，所以冇同佢講。之後銀包都一直少咗錢，我先開始懷疑身邊人，諗翻起啲時間點，每次都係佢過黎我屋企訓先唔見錢，我個心好唔舒服，如果唔係佢偷，我一定會好愧疚，內心好爭扎，真係好唔想懷疑佢。

我抵擋唔住自己內心，第一日將現金唱曬做100，然後係啲唔起眼地方做記號，第二日就換翻大紙，再翻屋企搵佢幫我唱翻啲錢，終於比我發現原來一直偷我錢既人係佢。我知成件事係好on9，但係要我開口直接問係咪佢偷，就太傷自尊心。

其實佢唔係每日都過我屋企訓，真係咁啱佢一連幾日都黎訓，我先有呢個機會，都唔知係好事定壞事。我可以肯定既係佢一定唔係屋企有困難，或者身體有咩事先咁做，我都好想知佢動機係咩，係咪應該攤出黎講。

睇完應該覺得我係on9仔，因為宜加講曬成件事我都覺得我係。

[匿名]

偷得錢個人都唔慌正直，同埋就算有咩事男朋友係可以商量嘅人，何必去偷😮即係佢用d 錢一定係你接受唔到嘅地方

[匿名]

我唔係好明點樣發現佢偷錢果段，係米得我有閱讀障礙？求解釋

[匿名]

應該係樓主唱左好多張$100並mark左記號，之後就用大紙同女友唱$100，唱完發現女友比佢嘅$100有記號，就知係女友偷。（我都諗左一陣先明，少癲少迂迴）

[匿名]

佢首先唱晒做$100，再係啲$100度做記號（等佢女朋友偷）
第二日，唱返$500/$1000再搵佢女朋友唱散佢，女朋友用第一日偷嘅錢（$100）唱返俾樓主
樓主啲$100有記號，所以知道咗係女朋友偷嘅

[匿名]

應該係第一日樓主撳晒啲$100 紙出嚟做咗記號 等女朋友偷
第2日撳張$500 $1000 出嚟叫女朋友同佢唱錢，而佢女朋友拎返啲樓主做咗記認嘅$100 紙出嚟同佢唱 咁樓主就confirm啲$100 紙係比女朋友偷

[匿名]

直接同佢攤牌啦，有難處咪講出嚟。先唔講佢係咪你女朋友，偷錢已經係唔啱嘅事。

[匿名]

其實佢依家都咁唔專重你自己啲錢嘅話
到時候結婚你咪要比曬啲錢佢？
傾完就分手啦 話我道德L都係咁話

[匿名]

ed大是大非既都咁低底線 以後點做人老母教小朋友 認真諗諗啦👏

[匿名]

過夜數唔洗找呀？😂

[匿名]

可能係好奇

[匿名]

其實你女朋友係ptgf ,所以要比肉金. 只係你一直以為ptgf 都係gf 所以唔需要比錢？😏
（講笑啫 大家勿認真😂）

[匿名]

會唔會係佢想幫你地將來儲錢？ 雖然可能性不大，但有機會驚你成日帶咁多錢出街亂洗先幫你收起？！

[匿名]

每次過夜，都要拎返一二百，重要之後加碼到五百一千🫲🏻👀你有冇了解清楚女朋友返咩工👀🙏🏻？

[匿名]

細時偷針，大時偷金，唔通你想佢繼續咁偷落去咩

[匿名]

人品有問題 建議分手
有問題可以傾
點解要偷？

[匿名]

佢知你留意個陣就唔偷，難道你留意個陣個困難就無左？
同埋你唔問都係唔心息架啦，如果可以扮無野就唔洗上黎問

[匿名]

佢知你留意個陣就唔偷，難道你留意個陣個困難就無左？
同埋你唔問都係唔心息架啦，如果可以扮無野就唔洗上黎問

[匿名]

咩原因偷錢都唔可以原諒🙃