我有女朋友,但對女同事心動💗


  • 同女朋友喺大學認識,拍咗六年拖,畢咗業入咗同一間公司做,感情一路唔錯,自問同其他女性都會主動避嫌,基本上冇乜異性朋友。做到近期大家都轉咗去新部門,見面時間少咗,頂多都喺收工一齊食個飯,咁樣持續咗幾個月,到呢家大家都溝通咗,每個月大家都各自諗啲節目一齊玩,進度都唔錯。

    到咗最近Office搞咗個Christmas party,同啲同事吹水飲酒,氣氛唔錯。當中有位新同事靚女斯文,吸引到我。之後大家Whatsapp,發現個位同事都好特別,興趣幾相近,而且會主動開話題,分享下大家嘅經歷同生活,覆得比我想像中有心機,大家傾咗幾日,都好愉快,我甚至起身會期待收到佢嘅Message,令我有心動嘅感覺,同埋FF佢對我都有好感。

    傾咗一星期左右,發現自己傾到唔敢同女朋友講,又開始患得患失。所以我覺得開心到呢度都應該懸崖勒馬。之前其他Office同事都知道我有女朋友,個位女同事都有提起過,有日終於字裹行間明示我有女朋友,之後女同事覆我疏咗好多,不過都仲喺好有禮貌嘅。

    之後自己返到工見到女同事都冇交流,因為一開頭自己連佢唔應我Say Hi/Bye都會牽動情緒,就知自己真喺瀨嘢。後來不斷開解自己,說服自己同女同事不但現實中冇可能,情感上自己都喺因為初初認識不斷理想化佢嘅形象,因為新鮮感就出軌,之後都喺會Loop同一個問題。呢個世界,邊有咁多命中注定,今次只喺一個巧合。諗咗一排,自己都算排解到,不過心入面,總喺有種錯過咗一個女仔嘅感覺。但喺現實中,邊有兩全其美?我只可以鍾意一個。唯有希望一切都喺我FF,女同事只喺搵人吹水,咁樣就冇人受傷。估唔到短短幾日,令我對愛情有另一番感悟。

    去到呢度,其實想問女仔呢個情況會唔會只喺當識朋友?我呢家唯有用呢個心態令自己冇咁忐忑,因為如果只喺我有非份之想,咁一切都喺我自作多情。聽完可能會覺得我喺貪新鮮感,FF,庸人自擾,女同事都可以喺be friendly,搵人攝時間,收兵。呢啲我都有考慮過。但喺真喺好耐冇試過,亦都一直避免自己有機會對其他人心動。今次終於炒車了。如果遇上對另一個人心動,拍緊拖嘅人可以點面對呢?


  • 心動是本能,忠誠是選擇


  • 就算知道女同事對你抱咩諗法又點,唔通佢鍾意你,你就放棄6年又感情好嘅女朋友?咁你呢6年都好兒戲...

    其實人生咁長,間中都會遇到好傾、有feel 嘅人,但要發展同建立長遠關係,係另外一件事,值唔值得為咗一時嘅好感,放棄原先嘅感情,你自己諗


  • 咩叫覺得錯過咗個女仔🔥如果好似你咁一好傾就有好感,不斷換女就係未來,最後你會錯過咗一個為你投放咗6年感情嘅人,飲恨就係呢世嘅總結。


  • 新鮮感過後而你選擇分開,你會後悔。


  • 有冇諗過你女朋友呢六年都可能因為有你
    呢個男朋友而拒絕咗幾多人。🔥

    唔識珍惜嘅,建議俾你女朋友IG我。
    我去珍惜佢🔥 thanks.


  • 一有好感就一齊,咁你咪要分好多次手?


  • 寫甘長淨係知你有女友,然後女友果part乜都無提,其實你係米想大家支持你飛左女友去溝個女同事😂


  • 🤣 大佬呀 人地都擺明疏遠你驚你沉船 仲要自己氹自己?


  • 如果你女朋友俾人追走咗,你全篇野就會變成點樣無關心過女朋友
    得唔到嘅就係最好


  • 講到自己好撚委屈好撚無奈咁咪又係想出軌 如果同事積極啲進取啲,我都幾肯定你會飛咗你女朋友 好慘做你女友


  • 睇完標題,直接叫你收皮,唔好浪費女朋友青春。


  • 愛情,只限於拍拖開頭的新鮮感,過了一段時間,餘下的就是感情,愛情沒有永遠的新鮮感,只有學會如何穩定下去,這是人生最大的課題。 當你想同佢曖昧一刻,就別說想做朋友這垃圾話,而那女的反而做得很好,知你有女友就馬上疏遠你,那女生一定好女生,俾一俾對方聯絡電話我,我有幾位單身朋友可以轉介😂 至於你,上咸網睇AV自己解決啦,個到仲多新鮮感,仲唔會傷害到人tin


  • 親身經歷just to share :
    ex到而家仲係我同事,關係當時好公開大家都知
    當時有女同事明知我存在但依然接近ex,兼曾經講過一啲好挑機嘅說話,然後我當時失咗控咁喪鬧附和女同事嘅ex
    過多一排,ex就話其實已經開始對我冇feel,佢覺得唔開心嘅地方一直唔同我溝通,跟住同我分開
    分開第2個禮拜ex就同女同事出雙入對。
    個女同事仲同其他人訴苦,話佢自己唔係有心介入我哋。
    結果過多3個幾月,ex同女同事結果係唔再有任何交集。
    事到如今,仲有好多知情嘅人睇唔起呢2個人嘅所作所為。

    樓主你嘅新相識女同事都起碼知道咩叫廉恥同避忌
    所以你係咪都應該唔需要再深究對方嘅想法?

    人生裡面總有機會接觸到啱傾嘅異性,或者外形更charm嘅異性,咁係咪每次你都需要動心?

    另外,你做緊嘅舉動其實都總有其他同事看在眼裡,而公司係冇秘密嘅。
    你希唔希望自己成為茶餘飯後嘅話題,甚至係被笑話嘅對象?
    緊記,就算你自己唔在意,都唔該唔好影響到懂得避開你嘅女同事嘅名聲。


  • 心動係本能,忠誠係選擇,諗清楚自己真正需要嘅係乜嘢


  • 其實如果真係夠愛女朋友既
    ,就算有異性朋友既都未必會動搖
    你根本問題就係你對女友愛唔夠,俾你而家避得一個,下次有條女再主動啲你一定有另一次,不如諗清楚你地最根本既問題,點令大家既感情基礎更穩定

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 16
  • 16
  • 15
  • 16
Copyright © 2023 elahk.com. All Rights Reserved.
Sponsored by facialhk.com