佢想我一畢業就結婚生仔

[匿名]

本人25，男友35，我地一齊左4年，一開始我地唔覺得年齡差距係問題，只要大家相愛同價值觀合適就無問題，我地相處上非常融洽，好少嘈交，直至最近我地因為生仔而開始有意見不和。

先交代下背景，我同男朋友上年一齊移民左去外國，佢返工收入可觀，而我就半工讀，因為佢賺錢多我好多，平時開支佢都唔介意比大部分，而我都會做家務同照顧佢起居飲食。

我地都想要小朋友，最好生2-3個，以男朋友嘅收入要養埋我同小朋友係無問題，亦因為經濟上許可，男朋友希望我畢業後就結婚生仔，但我自己唔太樂意，我唔想靠晒男人，我想畢業後賺到錢可以經濟獨立後再生仔，但我都知要等我畢業同做幾年野，揾到錢個陣我已經近30歲，男朋友就近40。雖然身邊唔少事業型女性都係30幾先組織家庭，但佢地另一半都係年紀相約，如果我男朋友40先生仔，未必有咁好精力去照顧，現實d講，未來陪伴子女嘅時間都少好多。

我同男朋友溝通過，我地都互相理解對方嘅想法，佢都係希望我早少少生，佢同我承諾就算我唔揾錢都可以養埋一家人，而我自己好掙扎，我自身家庭原因令我好堅持女人要婚後經濟獨立，我媽媽曾經被老豆出軌都唔離婚，主因係佢自己無賺錢，無左我老豆就無錢養自己同仔女，就算婚姻唔快樂都會繼續維繫。我好愛我男朋友，但一講到婚後生活我就好唔信任男人嘅承諾，我好怕自己好似媽媽以前咁卑微，我男朋友亦因為我唔信任而唔開心。佢好愛我，對我無微不至，令我更加內疚。

我真係唔知要點做先係最好，我唔想放棄未來事業，但又想要自己嘅家庭，而時間更是不等人。我有時好希望男朋友同我年紀相若，咁大家可以一齊30幾歲嘅時段組織家庭。多謝大家比意見我。

[匿名]

你想唔想咁快生仔，係你自己決定。

[匿名]

做陣嘢再生 生完請工人👌🏻

[匿名]

你揸數，以後啲錢你管，咁你又有安全感，佢又可以達成你畢業後就生小朋友嘅願望😂

[匿名]

身體是自己的，幾時想生自己話事，未ready真係唔好亂嚟，懷孕唔係純大肚咁，仲要反胃，失眠，唔想食都迫自己食嘢，仲要bb成型後總在你想瞓時一腳踢醒你，個種痛是愛先認到😢 所以生仔是很偉大的，利申我係男😂

[匿名]

咁辛苦讀完個書，有自己收入自己洗嘅機會都冇，第時小朋友大個曬先岀黎做野又冇工作經驗，又冇曬自己個生活圈子，自己諗清楚

[匿名]

點解要生仔 真係咁鐘意小朋友？

[匿名]

俾你男朋友ig我❤️

[匿名]

甘生完之後都可以再返職場即，不過點做其實應該睇你自己，無理由要網友比你意見去揀

[匿名]

做兩三年野再生仔，然後重返職場咪得🤔

[匿名]

你冇錯架，千祈唔好旨意曬男人。

[匿名]

其實好實際，現代女性無經濟能力=無話語權，你自己心入面都咁信la，你要生小朋友要結婚，首要係地位上平起平坐，至少起碼要自己經濟獨立咁你先有底氣。男人承諾可以信幾成？一唔愛你就可以乜都無，呢個係現實。所以你一係諗下可唔可以一邊湊仔一邊做野，一係你就做到咁上下經濟獨立再生仔又或者你叫你男朋友出糧戶口寫你個戶口，反正係自己未來自己諗🤷🏻‍♀️

[匿名]

返工搵錢同結婚生小朋友其實無影響🤔

[匿名]

分手啦，你愛自己多過愛佢

[匿名]

如果你唔生仔佢係咪會離開你？如果佢而家已經可以放棄你，咁你生完小朋友之後佢更加可以隨便放棄靠佢養緊嘅你

[匿名]

既然佢收入可觀，可唔可以考慮接你媽媽出國去住幾年幫手照顧到小朋友返小學，又或者直接請個保姆？

外國某D區域仲有日托服務，你可以睇下你地住果附近有冇呢D場所，甚至考慮搬去呢D場所附近。

外國好多公司對孕婦都好包容，相信你一邊返工一邊生小朋友唔係問題。

如果連你都返工、兩份收入，我相信就算生2-3個小朋友、請保姆方面都應該唔成問題。