平時send比我啲sticker佢都有send比個女仔


  • 🥺我真係好受挫…同時都好想透過我嘅故事 警醒其他人要小心。

    最近經朋友介紹之下開始用交友App,咁就識左一個男仔啦。我地傾左1個月左右就約左出嚟見面,咁果日都相處得幾好嘅。然後好快再約下次。到第三次出街佢已經主動拖我,而平時傾計佢又會話掛住我呀/好想見面果啲說話,之後見面都會拖同攬,都會有Goodbye kiss。在我角度,我好自然咁覺得雙方都默認左呢段關係,大家就係男女朋友。

    咁好啦,我地講好左2425會約出嚟一齊見面慶祝聖誕節。咁我就以為今年終於有人陪,啲大時大節唔洗再自己一個人。我仲滿心期待,點知原來係惡夢嘅開始⋯⋯

    平安夜果日我地約好左一齊出去行下,咁搭車果陣佢提起話我地一早講好左今年會出去一齊倒數,不如順便Staycation 啦 ,又可以見耐啲。因為我地住嘅地方唔同路,平時去完街都係各自各回家,成日都好唔捨得對方。

    正當我地用緊佢手機睇緊酒店之制,我見到有個女仔名彈左出嚟 send msg 比佢。我問佢邊個黎 佢即刻扮冷靜話係朋友黎。但直覺話我聽一定唔係咁簡單,然後我叫佢開黎比我睇,大概見到佢地每日都傾得好密。而最恐怖嘅係,我見到個女仔有send 啲心心比佢,而個男仔都有話”掛住佢 想攬”果啲曖昧說話。而呢個男仔平時send 比我果啲sticker/講嘅說話同send 比果個女仔果啲都係一樣。果刻我真係好崩潰…覺得呢個人好恐怖。

    我地落左車搵左個地方傾,我同佢講 我可以係一個好理性嘅人,雖然件事佢點都有錯,但我唔會鬧佢,只希望佢可以坦白同我講清楚。我寧願早啲知道事實真相,總好過一齊耐左之後先發現我比人呃左咁耐。

    咁佢就話呢個女仔都係app 到識,見過幾次咁,大家都係每日傾下計就無啦。我問佢 點解你同左我一齊都仲要同佢傾計,仲要咁曖昧。佢就老作話見我地未正式一齊,所以無同佢講清楚 然後一刪1000字都係啲無謂解釋。

    其實佢比我捉到正 佢都無得再兜。我叫佢 如果你真係想同我拍拖嘅,你依家就同佢講清楚話你今日約左我,亦都同左我一齊。佢就又帶我遊花園話唔想太突然,想有啲鋪排😑
    仲講到懶好聽話倒數果日之前會搞好哂同佢嘅野,會同佢講清楚。之後佢又係咁用啲花言巧語去哄我,又話對我專一 淨係鍾意我一個果啲bullsh*t說話。然後蠢蠢的me 又心軟真係選擇再去相信佢,覺得佢真係會31前講清楚。

    我哋之後又無事咁正常行街。食完飯之後佢就話想散下步,跟著又成日借啲意抽水。佢仲話好唔捨得我 唔想同我分開,不如搵間酒店陪佢一晚啦。 我就好堅決sayno!然後佢仲陪我搭車送我返屋企,但過程佢一路都係咁話唔捨得我 成晚都忍得好辛苦。

    之後我問佢其實一直以來對我係咪都唔係認真,只係覺得我太易信人,想呃我蝦條。咁佢緊係解釋話唔係啦。然後去到屋企樓下,攬左一陣 佢仲話今日好開心有我陪佢果啲說話,仲話咁我地聽日再見啦。天真的我 果刻仲信到十足十。

    點知xmas 正日,我一早收到佢個msg,佢話我琴日迫佢揀我定果個女仔,佢諗左成晚覺得自己更唔捨得果個女仔,然後話今日陪唔到我一齊過聖誕lu~呢一刻 我驚訝到喊唔出,對於呢個男仔覺得好意外,無諗過佢講大話咁叻。琴晚先哄我話淨係想同我拍拖,仲叫我去staycation 。點知轉個頭就話唔捨得另一個女仔。原來我一直都比人玩緊,我一直都係佢嘅後備,我係用黎比佢攝時間。

    依家呢一刻我嘅感覺就係覺得呢個人真係好恐怖,因為我完全唔知佢究竟仲同幾多女仔一齊/曖昧緊。仲要我最鍾意嘅節日發生呢件事,我真係好傷心。希望大家鬧我蠢之餘都可以比返少少安慰我🥺我都知成件事我真係好on 9,係我蠢。其實平安夜果日發現佢同個女仔曖昧,我應該就要斬攬。我好嬲自己咁蠢一次又一次咁信佢,仲搞到自己遍體鱗傷。。。

    Sorry for1999,但好多謝睇到落尾的你地每一位。我想分享呢個經歷比大家知 唔係搏同情,只係好希望大家可以帶眼識人,唔好學我咁蠢。同一時間,我都希望果個男仔真係可以認真對待果個女仔…而唔係又暗地裏漁翁撒網。(如果你睇到的話 請自己對號入座)


  • 下次拍拖都係正式咁確認男女朋友關係會好啲(eg 表白, 開口問依家係咩關係),唔好靠默認,又或者你以為係男女朋友就係


  • 甩身甩得快,恭喜你❤️👍👍
    我覺得係因為你呢邊斷正左,要兜要解釋好難,繼續落去都有難度;
    加埋冇得staycation;
    而果邊未斷正,繼續呃落去易啲,所以佢都有佢理性一面,充滿左計算,同埋係有心呃嘅⋯⋯🤦‍♂️🤦‍♂️🤦‍♂️


  • 未一齊但staycation 一下先 🗿


  • 算醒目嫁啦 加油 下個會好的
    女仔一定要先保護好自己 保持理智


  • 好彩咋你,其實有冇諗過24號晚你返咗屋企,但個條女應約搞咗,所以第二日先咁同你講?
    不過好彩時間短,真係一齊得耐先俾你發現你都傷得幾金下🤦🏾‍♀️


  • 另外個女仔可能已經俾人tum咗去staycation 先唔理你(。•ˇˍˇ•。)


  • 最後有好好say no冇陪佢一晚,你已經好叻,唔係傻得哂,下次要小心識人同埋講清楚係咪真係拍拖定只係曖昧


  • 好同情你嘅遭遇😢
    依個男仔好恐怖,身邊應該不乏依啲網友,佢嘅目的不外乎想享受曖昧嘅同時又可以食女
    好彩嘅係你最後可以決絕離開佢,做出依個決定唔容易,但你頭腦可以保持清醒,知道對方唔係咩好人,好叻🙌🏻
    其實佢同你講更唔捨得另一個女仔嘅原因,有可能係個女仔肯滿足佢嘅要求而你唔肯,所以經過佢嘅「精心計算」後決定放棄你
    你千其唔好覺得自己係後備,可能另一個女仔先係後備呢
    希望依個經驗可以令你以後都更帶眼識人,唔會被愛情蒙蔽雙眼
    往後嘅日子加油啊🤗


  • 交友app識,更加唔好咁快畀佢 知道你住址, 送你返屋企, 咁快staycation......好彩你冇去。


  • 咁你都醒目冇同佢去酒店,去完先發現佢玩野仲傷心😂 下一個會更好嘅


  • 善良本身係好難得,但過度既善良就係懦弱。
    日後唔好將你既善良浪費係立心不良既人身上;應該留返比同樣善良既人,佢地先值得被溫柔以待。

    唔係話交友app冇真愛,但一定要有心理準備保護好自己。
    你心底有呢個意識,呢一點非常好。

    每個女仔對愛情都有憧憬,都想有個人陪、錫自己。
    但你要明白,愛情係錦上添花,唔係雪中送碳。

    「遇到愛情我會努力經營,但未遇到愛情我自己都可以過得好好」呢個態度先啱。
    節日可以同屋企人、朋友過,一樣可以好開心。

    你唔係唔捨得呢個渣男,只係心疼果個一心信佢既自己。

    可能正正係因為你善良,所以上天都保護緊你,令你遠離壞人。
    真正可憐既係佢仲呃緊既果班不知情既女仔。

    出面既世界好大,仲有好多好男仔。
    唔需要為左一個渣男對愛情失望,經歷過反面教材先會學識分辨咩人值得信任。

    加油。


  • 唔係丫,開心事黎!你聰明咁識破左佢,又無俾佢呃到蝦條,好好彩!👍佢緊係會捨難取易啦,嗰個女仔未知佢係pk丫嘛


  • 交友App 識到真心,唔係玩家,同香港要清0一樣wo ,知道自己做緊咩?小心D啦!


  • 一切太快嘅感情都如無根之水,黎得有幾快,走嗰時就有幾快

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 15
  • 16
  • 16
  • 16
Copyright © 2023 elahk.com. All Rights Reserved.
Sponsored by facialhk.com