佢無問過我就開我銀包來睇

[匿名]

我識左佢一日，見過一次面，之後佢就話想追我，但當時我有男朋友所以冇答應

但佢識我時唔知有男朋友，因為我當時一心當佢係朋友，但係佢比到好多，我男朋友比唔到嘅感覺我，佢成日話我好岩佢，我同佢好夾，佢真係好愛我，但當初我都以為係

所以我同佢講左有男朋友，一開頭佢接受唔到，之後話唔緊要會等我…

所以無幾耐我同男朋友分手之後，無即時同佢一齊，但佢就覺得我係同佢一齊緊，之後先再一齊

一開頭我以為佢真係會好錫我，但發現佢得到手後，跟本唔係個回事

有次佢發現我同異性send 短訊，就發曬脾氣，話我比唔到安全感佢，話我背叛佢，所以之後我無再聯絡異性朋友咁制，有嘅都會話比佢知，但有時我返緊工，覆唔到佢，佢就會胡思亂想，話我去左溝仔，又成日Chok我，之後話要分手，但每次佢講分手，我每次解釋佢都覺得係借口係到狡辯，講錯小小野就針對我句野話我錯，話我唔愛佢咩咩咩，（但我係行動派，做唔到嘅野我唔答應，而佢覺得講左安全感會大d)
我都好無奈，每次佢講分手我都喊到痴晒線，之後我係佢樓下搵佢，有時會鬧完就無野，有時佢直接當無事
（一個講左成6次分手咁制，每次都比佢選擇佢都話好愛我，但愛一個人真係咁容易講分手咩？）

有次我發現佢手機有交友app，但我見到時無出聲行開左，佢搵返我唔係解釋，係問我做咩突然行開呀？
我話：你比手機我睇吓
佢話：你話交友app呀？我岩岩見你發現到我岩岩del左啦
我問：你要我比安全感你點解你會有交友app嘅？
佢話：之前同你用過無del姐，岩岩del左無事啦
（我個下點會唔嬲？佢想我點都盡量滿足佢，但佢覺得自己無做錯無問題，因為唔係專登）
之後佢同我傾時講左句：
你唔原諒我，我明白，因為呢啲事真係好唔應該做，對唔住，但係如果你原諒左我，我會對你更加好

點解佢講依番說話我聽落去係佢比緊機會我？係我錯咁。我話冷靜下，佢就叫聲左我係樓下等我，我聽到都即刻換左衫，佢重話睇下我對你幾好等左你成個鐘（重點：係車到）（佢每次講分手，我都係樓下等佢，我唔覺得有咩好）

之前佢成日話我唔開心，（主要：我個人一放空一目無表情個樣就好西，佢當時都話鐘意我咁樣，但之後佢成日用依樣野話我，我都有解釋過），但之後佢都可以用依個做理由話我成日西佢面唔愛佢。

有次我病左，因為佢想我陪佢，所以去左佢屋企過夜，佢就提我對住佢屋企人記得笑呀！
我面對完佢屋企人，自然入左佢房放空自己無表情，因為我食左藥好攰，個日佢都知我病，咁啱我想要筆，就問佢拎，佢執野時整到我啲緊要野，就唔小心講左句粗口。佢就發我爛渣話要分手，話我問佢拎筆無禮貌，成日去到佢屋企就西口西面，又因為緊要野講左粗口，話我：唔該唔好講粗口啊，呢度係我屋企嚟㗎。我無出一句聲，只係流眼淚，因為個刻覺得自己好卑微，佢當初講嘅野我feel唔到，我一直做自己野，佢坐左地下，叫我同佢傾，但我個刻，真心心死，之後佢話我唔理佢要佢一直坐地下，但我無叫過…之後我冷靜完想同佢傾就發爛話我，當時零晨1-2點佢叫我返屋企唔想見到我，叫我收聲…

過左日又無事，原本約定食早餐，佢call我時聽完我又闔着咗，就發開口夢，我再醒返佢話唔去食早餐，因為佢話我岩岩講左好飽唔食啦，但我完全冇印象，我狂講返係夢話，佢就死都話唔係，咁我都算半冤枉，我今早起身都係想同佢食早餐姐～，之後我就躁底，佢就發脾氣，話一齊都係想開開心心點解一朝早要受我氣…重點係佢執着先

每次同佢嘈，佢都話你岩曬我錯曬，但明明拍拖唔係比賽點解要咁？每次同佢傾佢會話我幾對你唔好？我對ex都冇咁做過…成日比較
例如：一早起身同我食早餐（明明佢就同我返差唔多時間），生日時會提早同我staycation送花請食飯當生日禮物，（但係係我正日生日個時，因為發現我同異性傾計，要搶我電話睇，係街到拉拉扯扯推推撞撞，同我講左句咁咪好囉，你可以每年生日記得你點對我，傷左一個愛你嘅人）

記得有一行街時見套衫，我話好靚呀！不如你聖誕買俾我？佢話：都唔靚，都要我鐘意先得咖….

有次佢幫我拎住銀包，但佢唔知咩嚟，冇問過我就開左黎睇，我見到就問佢做咩拎嚟睇？（可能我語氣重咗），但佢覺得無問提，同我講都係睇吓啫，我又唔會偷你啲錢，重點我覺得係尊重問題🥲

我唔明點解佢成日都話好辛苦成日講分手，之後又話好愛我要同我一齊

其實佢有幾愛我？做女仔都係想被愛，如果係咁，係唔係自己一個都得？

[匿名]

依個標題….真係篇文既重點咩

[匿名]

兩邊都唔知想點😑

[匿名]

咁似啲細路仔搶人地玩具，見唔人搶就dum埋一二邊，一有人搶自己就要衝過黎搶嘅？喂，你啊，係你啊，妳咪玩具咯☺️

[匿名]

睇到某個位唔係好明，姐係點？你之前有男朋友個陣，同佢有用過交友app所以識到？然後佢同你一齊個陣，佢有交友app，所以冇安全感？
然後仲要兩個都傻傻地😂

[匿名]

淨係覺得兩個都未成熟同埋睇得好辛苦，好多錯別字🤔

[匿名]

又玩交友app
又鬧架就講分手
不如及早跳船

[匿名]

其實你自己都有答案啦😅

[匿名]

奇奇怪怪 建議分手⋯

[匿名]

重點：交友app係佢之前同你用過 你識佢個陣你仲有男朋友 結論：報應 完

[匿名]

睇得出你地價值觀都好唔同
佢好有控制慾，可能佢當初用咗好多心機同時間打動你，所以依家「折磨」你，要你慢慢還返俾佢
佢亦可能覺得有其他好似佢咁嘅人用佢之前嘅方法溝你，佢都知道你會對依啲人容易心動，所以要不時check住你，怕你被人搶走
只可以話，要真正相處過先知道對方係咩人
不如試下諗吓係依段愛情裏面，你自己嘅角色定位係咩，同埋你想得到啲咩。諗清楚後，為自己好好計劃下未來
執意堅持只會令自己傷痕累累呢

[匿名]

即係...拍緊拖扮單身玩交友app, 又成日西口西面？想睇男方版本。

[匿名]

你連寫篇佢即衰野都可以寫到甘鬼長，乜你覺得段關係仲有的搞咩？兩個人係埋一齊唔係單單因為個愛字

[匿名]

你好似完全俾佢操控緊喎親，身心都失去左自己！愛？定係虐待啊？有得走好走喇！🤣再唔走好難走

[匿名]

有男朋友仲玩交友app跟住仲要見埋 話題已完

[匿名]

兩個都奇怪，根本唔岩咪分手= =