我阿媽令我有咗個婚禮


  • 原定同未婚夫11月簽紙結婚,唔擺酒住,加上我份人比較怕咁多人嘅場合。屋企有3兄妹,我係中間果個,我有一個哥哥同細妹。因為我屋企突然有白事,我媽媽話我唔可以結住要過100日先,咁傳統嘅嘢媽媽要求當然可以接受,就即刻改時間。

    因為要結婚所以同未婚夫冇做安全措施打算順其自然,好快就中左,我同未婚夫都好開心,我未來奶奶知道之後即刻話出錢幫我地搞婚禮,想我正式有個名分唔想我地淨係簽紙咁簡單,咁我都好開心我未來奶奶咁錫我。但係之後就係惡夢嘅開始,我同我媽媽講我地會擺酒但係一切從簡,我媽媽一開頭就話:「Okok,你哋話事」,咁我奶奶搞婚禮酒席落訂影婚紗相就比左4萬左右出嚟,之後找尾數20幾萬左右。因為一開頭已經講咗簡單搞,我媽媽唔會比嫁妝我,所以我都冇問我未婚夫拎禮金,但係我奶奶就唔想我失禮,就話要包一封包羅萬有嘅利是俾我媽媽,大約2萬左右。

    因為要結婚同埋我有咗小朋友,我媽媽搵多咗我好多,成日約我出嚟食飯,但係我發覺每次佢約我出嚟食飯都趁我未婚夫行開果時問我:「真係冇禮金呀?」我一開頭都好有耐心咁安撫,話冇禮金咁我哋以後逢親過年就比大封一啲嘅利是俾你,平時都會俾錢你飲下茶,之後佢就冇再講啲乜嘢。去到上一個禮拜我媽媽叫我返屋企食飯,之後同我講話等我結完婚屋企會裝修,裝修完我阿哥就會同佢女朋友
    結婚,我就答佢,你咪裝修又唔係我住係你同阿哥住咋嘛,之後餐飯就完咗,去到早兩日佢嚟搵我食飯,又問我係咪真係冇禮金,到時BB出世我奶奶會唔會幫我湊,我話:「梗係會啦,我奶奶一早就講到明佢幫到就一定會幫。」之後我問返我媽媽轉頭你會唔會幫我湊?我媽媽答我:「梗係唔會啦,我有自己嘅嘢要做」下一句佢就同我講:「你真係吖,做咩咁快有左,我覺得你奶奶夜晚都要幫你湊」我答返佢:「咁都要睇BB肯唔肯,如果BB親我嘅話都係要我夜晚自己湊番」之後呢個話題又完咗。

    去到尋日佢打電話黎問我點解冇過大禮,乜嘢應該有嘅儀式都冇,佢鬥我:「我聽人講餅卷唔係你地兩公婆拎黎係要你老爺奶奶拎黎」一直係咁話要約我老爺奶奶出嚟,我答佢:「一早就講咗一切從簡,嗰時問你有啲咩要求你又話乜都唔要叫我奶奶話事。」佢答我:「佢都冇問我,如果你一開始同我講咁簡單嘅話我唔會俾你嫁」我聽到果下真係忍唔到同佢嘈起上黎,因為一開始咩都講好晒,婚禮派埋帖就搞掂,佢依家先黎嘈。

    不過我都同佢講話如果你係需要人拎餅卷比你唔可以我哋兩個親自拎嘅,我哋就搵一日搵人拎俾你。佢就發脾氣話我同佢鬥氣,之後話唔會去我嘅婚禮叫我去酒店出門,我奶奶聽到仲要佢親自拎餅券俾我媽媽,依家話唔搞婚禮慳返。

    我可以點?我老公一直幫我同兩邊溝通,但係兩邊都好似唔肯鬆口。唔好意思,我好長氣,講嘢仲一嚿嚿,多謝你認真睇完。


  • 唔好理個吖媽啦,淨係識問禮金。


  • 向好嗰方面諗,你老公肯幫你同兩邊溝通已經好好


  • 其實係咪想要禮金補貼裝修😮


  • 問你拎禮金再幫阿哥比禮金


  • 結唔結到係你的事,唔係你父母,往後想父母死去,留在身邊的是誰? 再往生物學來說,繁殖只是想血脈流傳下去罷了,你係大人,個社會已經唔係清朝,你也是媽媽了,結婚擺酒過大禮只是商家賺錢門路罷了


  • 你奶奶已經好仁至義盡了,相反你阿媽冇盡過阿媽的責任,唔洗佢出錢仲要求問攞錢


  • 我唔俾妳結婚,講到有話事權咁😹
    咪答佢,你都係想賣女姐,要錢咪直接講


  • 好明顯係重男輕女,想攞你份禮金補貼你阿哥娶老婆啦🙄
    見親你都唔會關心下你陀住個B辛唔辛苦,淨係講錢錢錢已經知咩料⋯⋯


  • 其實我到而家都唔係好明點解要比禮金,雖然我係女,但係成日都覺得呢一個價值就好似等於我既身價咁,又唔係賣出去俾人做奴隸,咁到底個禮金係for啲咩㗎呢?賠償?屋企少咗個人養家?

    如果你話禮金係一種意頭,咁其實封番封利是咪得囉,同埋要問清楚到底係唔係真係要做足,又話白事唔大搞,但又要擺酒過大禮咁,彈出又彈入。真係唔搞嘅就乜嘢都唔好搞,就唔好話乜嘢從簡啦,棧自己麻煩,又比位老母入


  • 你地之前無溝通好,從簡到乜嘢程度? 你媽媽同你既expectation唔同!
    佢想有禮金,有過大禮,呢啲都唔係好多錢既嘢,盡量滿足佢,小錢。
    佢生你養你到咁大,而家好似送左個月俾人咁,佢唔開心都正常。


  • 你嘅一切重簡又唔同呀媽解釋咁從簡 兩母女唔溝通 其實有45%都係你做成


  • 其實我覺得你媽都係緊張,有啲阿媽覺得自己個女咁樣係買大送細,屋企有白事都趕住嫁入去,又冇禮金,完全唔合理。 所以你問清楚你媽想要咩先,唔好咁快傾向奶奶就杯葛你媽😮 有時,結左婚先知有娘家撐腰幾重要,咁先唔會俾人睇少(前題係你媽真心為你好)


  • 照簽紙照擺細酒或者當西式咁搞,佢哋鍾意就嚟,唔鍾意嚟就遲啲食餐飯咪算,咁skip 晒啲嘢就真係一切從簡啦


  • 其實你兩人有能力結婚未?點解咩都係99 出晒錢?但你99 都算唔話得,佢咪比左去2 萬利是你lo? 點解唔可以當禮金咁比你媽?唔夠?

    1)阿媽係你ge, 咁多年相處佢係咩人你好清楚,反口攪你應該要預左,你要做ge野就係用錢塞住佢把口,你問清楚佢想要幾多禮金先⋯然後你用自己儲蓄比佢,咁唔係叫屈服,係叫息事寧人⋯
    2)我睇佢同得你講屋企要裝修,佢都打算問你拿至少5 萬禮金(當小型裝修十萬,你同哥除2咁計),我就覺得你係唔想冇左個婚禮就拿拿淋自己拿錢出來,提都唔好同你99提⋯因為99擺明係你同你老公的金主,廿萬擺酒都靠佢,你5 萬 vs 20 萬咁比較下先丫⋯除笨有精⋯
    3)真心自己結婚就自己出錢,要靠人課金至結得成⋯即係仲未有財力成家立室啦,宜家咁情況,你唔想金主唔開心就要自己攪掂女家果邊⋯有咩其他辦法?
    4)「嫁女餅」就一定你女家派,入埋落請帖派ga wo, 你話一切從簡,但又會擺酒、會派帖,咁講真都唔可以簡埋張餅卡⋯但就應該女家出⋯咪一樣lo, 你自己出啦⋯你都擺唔多圍啦?果幾千蚊(應該都唔使)的餅卡你出唔起咩? 真係所有費用要你99 出晒咩?

    5)作為要結婚的閣下及你的老公,都真係一蚊都唔使出呀? 如果真係咁,我唔評論你地作為仔女有幾掂⋯但都係果句啦,好女/仔兩頭瞞⋯你女家d衰野有必要同你99 講咩? 宜家激嬲佢就一句唔擺酒⋯唔係你阿媽攪到你冇左個婚禮呀,係你(同你老公)唔識做人(又唔願自己出錢),至攪到冇左個婚禮咋⋯
    6)其實要控制自己的婚禮唔難-自己出錢,自己話晒事,就算四大長老有聲出,一句邊個想加野就出錢,佢地真係會出錢咪加lo…你相反,要睇你99 (錢)面色做人⋯但又唔知點解明明(用d錢)瞞住你媽d衰野就冇問題,你都可以攪到冇左個婚禮⋯
    7)如果以上講ge野唔啱聽,或者你都嘗試埋冇效果,你咪疊埋心水等生仔坐月,仲諗咩婚禮,婚禮做比人睇好閒啫⋯重點係你地一日財政咁依賴你99,生左仔後又會顯生其他問題,仲要比婚禮問題更大鑊的(錢銀)問題⋯
    8)錢唔係萬能,但冇錢就萬萬不能,尤其講緊成家立室⋯你唔識睇餸食飯,一味搵個人去瀨的話,你跟本唔能夠組織到一個和諧的家庭⋯
    唔知打咁多字,你get唔get到你的問題係在於兩公婆財政問題上,而唔關你阿媽專攪破壞事⋯雖然你媽都唔係好野,但最主要的問題都係你兩人自己拿唔出錢而要靠人⋯

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 16
  • 16
  • 15
  • 16
Copyright © 2023 elahk.com. All Rights Reserved.
Sponsored by facialhk.com