佢話錫我個firend係無原因

[匿名]

故事可能有啲亂，但我順時間線講啦~ 希望唔會太亂😓

我哋差唔多時間同ex分手，後來有一齊傾偈，對大家有d feel就有一晚發生左關係，後來有出過幾次街，但果陣我唔肯定應唔應該咁快開始重新投入另一段關係，呢樣野我都有同佢講。

後來有一次party佢錫左我個friend，我果晚都有問有冇咩發生，因為佢哋都明顯好close咁，佢話冇，我同佢講雖然我地唔係一齊，又唔係佢女朋友，但都唔知點解有啲介意，。佢話佢好開心知道我介意，然後過咗一排我哋就一齊左。

有一次傾計，命運安排，唔知點解我突然問佢有冇咩冇同我講，佢就話其實當晚佢錫左我個friend，但好快就後悔，又話對佢真係冇feel，發現係中意我，然後果晚就一路坐我隔離。我唔係好明個邏輯，就問佢點解，佢話覺得我唔想比人知我哋關係，然後又話見到我喺party同其他男仔玩佢就唔係好中意。我再問點解，我個friend有男朋友(其實我知我個friend有flirt佢)，佢話因為佢覺得我個friend會比佢錫。。

我聽完都係唔明白佢嘅邏輯，可能佢就係衝動冇乜原因咁做？但係我角度所有行為都有動機，除非反射動作啦。其實我最介意係我係同左佢幾個月後先發理，再加上果晚我有問佢既，但佢都選擇隱瞞，如果我當晚就知，可能我會冇咁介意？或者唔會咁快一齊？我諗左好耐佢嘅邏輯，我依然中意佢，但我都係唔明，後來我地變番唔清楚既關係，又好似男女朋友咁，但又冇名份，就咁就已經差唔多一年。

因為呢樣野我會成日諗起而同佢嗌交，我不斷問點解，佢不斷話冇點解，真係冇原因，我依然覺得有，我咁諗係唔係唔正常？我想放低件事，同佢一齊，但我間唔中都會諗起，起碼依家唔會好似一開始咁介意。。

[匿名]

如果你哋冇一齊/一齊前，佢錫邊個真係唔關你事。

[匿名]

雖然係有D唔禮貌，不過甘你地未確認關係之前都已經發生左關係，佢會同你個frn會發生關係都好正常jek，又唔係同你一齊之後先同你個frn做D乜。你同你的Frn加埋佢，明顯都係玩家啦😅

[匿名]

J 痕咪錫囉，唔通因為想拯救世界錫你個fd咩。btw 果陣你哋又唔係男女朋友。介意就唔好一齊，想一齊就唔好介意。

[匿名]

都冇一齊 不過條仔都唔係好嘢

[匿名]

聽你咁講，你地段關係都唔係咁穩定，或者可以話你地對依段關係嘅理解都好唔同。你對佢動了真情，但佢對你有所保留。
既然依件事佢嘅解釋說服唔到你，你又說服唔到自己唔介意，不如攤牌一次過講曬你對佢有咩唔滿意嘅地方，然後問下佢點諗。如果到最後佢無咩改變，你自己心裏面都有個底，知道之後應該點行落去。

[匿名]

未係男女朋友就發生關係
即刻大家都係單身
佢錫邊個同邊個發生關係都有佢自由喎
我都唔明你點解唔明
係你自己唔想太快投入另一段感情？

[匿名]

佢講唔通，你都講唔通。
因為成件事根本唔合理。

不過你地連確實既名份都唔肯比對方，可以有幾中意。
——————————————————
你個fd自己有男朋友都可以撩異性……只能說慎重交友。

你唔離開呢個圈子，永遠只會遇到呢類型既人。

[匿名]

似乎而家唔係因為佢點解無啦啦錫你個朋友而影響你哋嘅關係，而係你死都要有個令你滿意嘅答案令你了左呢個心結、但係又滿足唔到你而影響呢段關係😮
而家已經演變成係你個執念發揮影響緊你個情緒而唔係果個吻

[匿名]

呢個世界係一個遊樂場，無論男定女都係player尼架啫😂😂😂

[匿名]

根據佢的邏輯，應該錫過唔少人，因為佢要不斷試下有無feel😂

[匿名]

好煩呀你，醒咪呀？ 你一直只係佢其中一支炮 友咋，問點解？ 正常男女一定唔會有你呢個問，自己掘個屎坑自己食，旁人隨咗話抵同笑，都唔會想點答你

[匿名]

通常點樣開始，就點樣完結。太隨便進入親密關係就預左會咁，講完。

[匿名]

唔確立關係，咪想試就試囉，唉，呢啲人，一齊咗都唔方專一，你問我，我一定say no

[匿名]

啲女人真係好鐘意有事無事拿返舊事出黎講，都一齊左啦，咁一齊左之後佢對你認唔認真先？鐘唔鐘意？有無將來先？依家得咪得囉

[匿名]

洗有原因架咩？佢食得唔好晒lo