一同佢打機就粗口問候我全家


  • 佢大我2年 大家都係2字頭,一齊左年幾,當初一齊嘅時候都知佢係無咩耐性同容易發脾氣。

    有幾件事係我好反感嘅

    第一件事,佢嘅脾氣,我比啲心機詳盡啲咁講出嚟,大家都會一齊打機,而好多時候只要佢唔順就開X ,我都有打機,我亦都明有時係會燥/嬲,但係一場頭幾分鐘就開始到完場再到下一場都係咁,都唔係問題,佢會話埋我,都唔緊要,問題係幾難聽嘅說話都講,問候晒我媽媽/姨媽姑姐,之後搞到我超唔舒服,唔舒服嘅原因係我打機係想開心,同佢打機更加想大家一齊開心,但係每打親機都咁,我耳仔頂得順,我心靈都頂唔順,而佢係完全唔諗住同我道下歉,講返件事。唔一定係打機,even 係正正常常行街,我犯左好少嘅錯都會開X。係係係,我識佢時候就應該會知佢係點嘅人,但係當時我地係朋友,去到一齊左先知唔會有咩分別。

    第二件事,有次打機我地差一個,咁佢個朋友就邀左個我唔識嘅人,而呢個人係佢個ex ,我係度強調,我係唔鍾意同另一半啲ex 一齊打機又好咩都好,而個一刻我係唔知呢個係咩人,只係聽到佢同佢啲朋友講問點解要邀呢條友入黎,我聽得出佢好激動,咁我就好奇問下啦,而佢只係好激動都不停同佢個位朋友講話,聽唔到我講咁,直到開場,我message佢,佢先同我講係佢個ex,我當時呆左,心諗點解咁都可以開場同佢玩,我係覺得佢好唔尊重我,連問都無問過我,之後一句話「你唔鍾意就走game ,唔想為左個垃圾而嘈」我個刻真係好認真咁講,我以為我發緊夢,咁嘅嘢都比我遇到。。 之後我全程都無出聲,直到最後我好坦白咁同佢講,我話我好唔舒服,而佢話我唔啱,無同你講,所以一開始同你講你可以走game 唔鍾意就走」而我聽完。。。。。。後尾佢就話「我照開場game係因為唔想搞到好似我驚左佢個ex 咁,好無面! 」

    第三件事,有一次佢屋企家電壞左,咁就話有個朋友A識整識睇,呢個人我都識嘅,都係差唔多年紀,而且佢地都幾friend 識得耐過我,咁就話不如叫朋友A上去睇下啦咁,我都話ok睇下啦,一開始就講好左約佢阿爸都喺度個段時間around 6點啦,去到個日我早收3點左右就放工,我就打電話比佢同佢講我而家過去佢度,之後佢就同我講朋友A都黎緊,我就ok啦我話帶佢上黎,去到4點左右,我就話我到左啦 朋友A喺邊咁,點知佢同我講已經到左 睇完 走埋,我心諗咁都得?!通知聲都得掛,仲要我主動問你你先同我講?我個下真嬲,之後佢又好似覺得係咩問題咁。

    第四件事,佢成日都話我好攰話我返完工陪佢去打陣機就想瞓覺,咁我同佢講,我話我返工個邊其實都幾忙下,同埋有啲嘢煩,所以會攰啲,咁佢就話我都唔明你有咩煩,每日就係返工放工打機瞓覺,之後第二日都係咁過,你會有咩煩?之後我就會唔出聲,唔出聲嘅原因有2個,第一我覺得佢唔會明,第二講完佢更加會強行用佢嘅思路去同我講呢個呢個你咁做,咁易嘅我洗煩咩。。。同佢好詳細咁講都係唔會work 因為已經試過。

    其實仲有好多,不過講到呢度先,睇下會唔會投多次分享下其他嘢。我已經每個月擔心錢銀、出路嘅野,我再係咁落去真係少十年命,所以分享出嚟尋求意見

    我自問自己已經讓出左好多步,而不停有唔同嘅嘢加落去,我知我死忍係無用,但係我好珍惜每一段愛情,因為我上一任係因為病而走左,所以我更加更加重視感情,我希望各位比多啲意見,要鬧又好咩都好,我都會認真思考! 多謝你地睇左咁耐🙏🏻🙏🏻


  • 分手la,打機係可以見到人品點🤭


  • 實你都有答案啦!你都講再咁落去少10年命!


  • 問候返佢全家,順便問埋佢好唔好受


  • 四件事背後都反映住「沒有尊重」既問題,而且缺少同理心,無逆地而處過你既角度。
    因為過往經歷而珍惜,呢樣係優點,只係同時要有底線,珍惜對方同時,不要忘記珍惜自己。
    忍耐係感情上並唔係良好相處方式,不如試下攤開晒出黎講,再決定要唔要再一齊努力。
    當然,如果對方唔尊重你既認真,相信你亦知道要點樣愛惜自己。


  • 珍惜感情唔代表你要死忍,咁只係拖延而唔係解決問題,咁樣嘅感情行唔耐架。就咁睇呢佢就完全無尊重過你,係好自我為中心嘅人,試下直接同佢溝通啦


  • 兩個掉轉咗身份。咁唔開心不如分手好過


  • 點解唔分手呢?本身人性格都唔岩你。


  • 點解要俾佢鬧?仲話呢個人係你男朋友?呢啲郁啲就發脾氣既人,仲唔走,第時打你都似


  • 為咗打機而鬧你,叫佢同啲遊戲拍拖啦。😂


  • 睇你拍拖係咪為左比人鬧同出氣
    打機咁少事都要鬧人都睇得出你連隻game都不如
    過來人表示你都係扯把啦
    早走早著 唔好奢望佢會改/為你而改


  • 照你嘅形容,佢可以咁短時間內諗到咁多句粗口不同地問候你全家都足以證明佢係一個感情豐富嘅男子,既然佢咁充分咁利用粗口嘅多元化去描述戰況,我都認為你主動同佢簽署永久停戰比較好,最好畫多條界好啲,咁打落去你輸緊,你明咖?!


  • 唔夾就分手啦。唔好咁天真覺得人會咁易變。珍惜自己人生,唔好話珍惜咩感情先啦。你愈對女人好,越忍佢,佢態度只會更差。 你係男人,唔需要忍佢,你講完一次唔鍾意,佢再做,你有權屌鳩返佢。唔好咁beta. 同唔適合既人一齊,自己一個可能仲開心。咁後生,搵過個啦。


  • 分手啦 日日比人罵都頂到?🔥


  • 咁你拍低佢講咩,新年比返屋企人同親戚睇,你話 你問候我屋企人同親戚 我幫你直接播俾佢睇 你同我講冇用啦 講就直接同人哋講✌️

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 15
  • 16
  • 16
  • 16
Copyright © 2023 elahk.com. All Rights Reserved.
Sponsored by facialhk.com