佢走出去私影,個龍友話影完再做


  • 希望可以投到稿
    28巴 同GF一齊左4年準備結婚

    幾個月前偶然發現GF同一個私影龍友(簡稱D) 有聯絡(未一齊已知GF曾經做過私影,不過只影冇做過其他野)大概內容係D問我GF私影時有咩服裝咁,但之後就開始有啲過火內容(影完再做,開心 ! 大概呢啲)而對話中我GF冇對佢親匿,不過會覆佢幾時得閒可以約。

    咁當時我知道當然即刻問佢咩事,佢話因為果個月支出大咗,條友以前幫佢影過所以先接job 幫補下,我叫佢唔好去,有咩難題一齊挨。佢當時應承咗,之後佢都因為覺得俾唔到安全感我而唔開心,不過雙方傾咗一排,加上本身D同GF約果日GF都有報告行蹤證明自己冇去,GF亦表時blk 咗D ,所以都叫解決咗。

    但事後我驚D會煩佢,所以有時會check下GF手機,比我見到D仲有搵GF仲同佢講upload咗上cloud,入app 見有啲相,相既尺度亦相當大,見到個下我係好嬲,我信GF唔會同D有越軌既關係,但一諗到GF比D呢啲人睇全相仲要唔知咩目的去影我GF就已經好嬲。

    睇到啲相之後2/3日GF喺app set 咗password先睇到,但我一有機會就check 佢手機,睇唔到啲相啫都唔知D會唔會仲約佢,GF 自從上次比我見到啲record後佢會del chat , 我主要都係側邊望到佢㩒電話先見D有時會電話聯絡佢(內容大概係普通慰問下果啲,因為太快㩒走,睇唔清楚)但我同GF其實一直成日都見,大概都冇時間可以約到。

    我自己就一早keep低咗D既電話,各位覺得我應該可以點做?當咩事都冇正常相處?直接打電話「小」D一穫?同GF講佢又會話我check佢而唔開心,真係唔知可以點做。

    對於GF既信任我一直都有,知道佢唔會有SP既關係,知道check佢手機係唔啱,但一見到條友keep 住搵我GF就好嬲,各位覺得我可以點做?感謝各位!


  • 真相可能好難接受 但頭已綠
    你女友隨時係🐥


  • 你唔再信任佢,佢都唔值得你去信任。


  • 其實有時都唔明啲女冇乜布/全裸/動作意淫咁影相為乜?除左博人J,賣相賺錢,仲有?唔覺係為藝術犧牲囉就😂🙈(原諒我見識少😷


  • 食得鹹魚就要抵得渴,搵得model做女朋友就預咗有人搵佢影性感,甚至大尺嘅相,你咁介意嘅可以搵其他人做女朋友🤷🏻‍♂️🤷🏻‍♂️


  • 如果真係已經block左,點解D仲有機會煩到你地?

    一隻手掌拍唔響。
    唔想斷既人,未必只有D。

    —————————

    由頭到尾都係你話信,你有冇同女友認真傾過?佢點講?

    你點解唔問佢,點解直到呢一刻佢都唔堅拒D?到底係有苦衷還是有內情。

    如果你連搞清楚件事既勇氣都冇,就唔好唸咩結婚,以往存在既問題唔會因為結左婚就突然消失。

    D固然討厭,但更重要既係你女朋友既態度。
    先處理好兩個人之間既問題,再唸點樣對抗外人。

    ———————————————

    恕我孤陋寡聞,影全相係算正常私影…?


  • 其實好明顯有野 你覺得佢地冇越軌但事實真係好明顯係有


  • 果日同你女朋友影相好開心,雖然佢無著衫褲影,但我地真係無野㗎!佢都好專業,就算乜都無著都無尷尬。三萬蚊晚貴就貴左啲,但係值既!


  • 叫佢換過第二個攝影師囉,全世界得D一個識影相咩?好多女攝影相都好靚


  • 如果喺chat度會講埋影完再做,好明顯係一個「商業交易詳情」,大家早有共識先會咁列明。

    • 話block咗又仲聯絡到,你其實知咩事。
    • 其他巴絲打已經講咗,-隻手係拍唔響。
    • 相信你自己其實有好多野已經講晒比你知,只係睇你自己肯唔肯去面對,無謂呃自己,勇敢啲去面對啦

  • 點解blk咗仲會keep 住chat?
    唔繼續chat會畀你見到佢時不時有搵你女友?其實你女友有冇諗過你感受?


  • 又話冇見又話block左,佢都講晒大話呃你啦
    點解唔敢同佢講你知道左?
    有時候扮唔知既話對方只會愈來愈過份
    你又一定忍唔到唔睇既
    到一日你知道愈來愈多頂唔順咪又係分手
    有問題就講出黎盡早解決啦


  • 我後生時都同過所謂做私影嘅前女友一齊,最後都係攝影師撚走左條女,所以呢,睇路啦兄弟😂 牛唔飲水唔撳得牛頭低,總有道理。 其實男人啊,老說話,有事業唔愁無女,不要執著一個爛茶包


  • 其實如果冇嘢嘅話點解要del chat?
    同埋你話信任佢但你又要一路check佢手提電話,即係你把口話信,但係你隻手同你個腦都唔信?既然都咁唔信任佢又唔坦白,你肯定你哋真係可以結到婚嗎?


  • 其實可能D係唔知你女友有男友


  • 立即分手斷尾,但如果你好愛好愛好愛佢,你要預備你人生既未來日子會非常痛苦,因為呢個人係無信任可言,亦有機會令你錯過往後好多人同事

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 匿名

    比佢生!比佢生!

    閱讀更多

  • 匿名

    有冇諗過可能佢老婆帶仔女飛左去外國,佢負責留係香港揾錢,不過佢老婆set左cam係屋企,就係為左check佢有冇偷食,or覺得只要唔偷到返屋企就隻眼開隻眼閉,所以咪從來唔畀你上佢屋企

    閱讀更多

  • 匿名

    唔好害咗bb,同埋記住超渡嬰靈, 唔係講笑

    閱讀更多

  • 匿名

    唉⋯⋯一齊5 個月,對人完全唔了解,連人係咪有婦之夫都唔知⋯每個月比兩萬你就以為對你好😅,你的愛情係用兩萬來衡量ga 咩? 有d人可以ge, 但又係你話其實果兩萬對你來講係少,你自己一個月都唔只搵果個數⋯
    其實呢個情況,你覺唔覺得自己比人包呀?
    佢話比兩萬你開少d工/唔好返工,你覺得佢晚晚陪你啫,但外人睇似係佢用錢包你(外搭你對佢的感情分)你晚晚陪佢wo…
    答你問題,我當你廿歲啦,個男人大你二十年都40 歲啦⋯係正經人家、係負責的話又點會「太早、未準備好」呀? 仲要咁攪笑幫你評定埋「你自己都未準備好」😂
    半年來佢每晚同你出去玩,日日見面,所以你唔覺得佢係有老婆😂⋯你呃人定呃自己? 我淨係見到一個疑似有婦之夫,每晚扮OT 凌晨三點至返屋企,注意!佢係每晚都要返屋企!你又未上過佢屋企,佢講你又信?
    我覺得你冇咁蠢,始終做夜場ge女仔比人感覺都幾醒目,因為要識得保護自己,呢單野你擺明自己呃自己⋯
    其實我估你係咁,你宜家都心知個肚唔留得,但你亦心存僥倖,想搏一搏,搏佢並非有婦之夫,搏佢唔係連仔都生左兩名,諗住死纏多陣先,可能講多兩講、威脅多兩野,佢總會是但一瓣落搭,所以你對佢講「落仔都得,但要即刻結婚」,耐何佢連呢個offer都拒絕⋯
    佢識玩呀,熟成到佢咁ge男人,又出開來玩,你無啦啦冇食避孕藥有左點解要我埋單?都講左唔會要啦⋯你又用一係落仔一係結婚來講數,點會咁蠢比你講數到呀?重點係玩得果5 個月咋,就攪單咁ge野⋯死人都唔會承諾你d咩野,錢,可以比(少少)你,但玩到又大肚又結婚,會攪到佢一個有婦之夫好頭痕⋯
    其實你心知拉扯多一排,佢一定發老爛走人,咁就要睇你自己想唔來要個bb, 你能唔能夠單親,又或者你醒目,唔想冇左佢呢條水喉,去到呢步亦都估到佢老底,你自己解決件事,再扮無知咁拍多一陣拖⋯在佢身上拿得幾多得幾多⋯
    我覺得成件事就係咁lo…你可能覺得自己好慘,但其實最慘都係果個未能出世的bb…

    閱讀更多

  • 匿名

    咁你自己停左藥唔報仲好意思話人不負責任?
    其實你係咪想有心裝佢
    好似之前果單偷精造人成功迫條仔埋單?

    閱讀更多

  • 匿名

    宜家都唔同你結 點解會信落左之後會同你結😂

    閱讀更多

  • 匿名

    樓主好多野都好一廂情願渦。
    一齊左5個月就吾要自己份工 為佢賭上將來。
    仲要吾食藥 諗住佢會埋單
    但有冇諗過人地既生育計劃係點先。搞笑係連屋企都未上 家長都未見就要結婚生bb 🙃 樓主你都幾大膽渦。

    閱讀更多

  • 匿名

    男人有無老婆都好,但明顯唔想你做佢老婆

    閱讀更多

  • 匿名

    將包養講到咁清新脫俗都算少見。
    ·
    佢由始至終都好清晰自己既角色,反而你越位了。
    ·
    一個每隔一兩個星期就可以比1萬你做零用錢既人話自己養唔起小朋友,態度其實都唔算係暗示了。
    ·
    一個出黎買,一個出黎賣。
    你竟然同佢講將來講家庭講結婚?

    閱讀更多

  • 匿名

    今年6月係公司識左個大我差多二十年嘅男朋友。 佢好錫我 我哋差唔多日日見,佢會帶我周圍去食嘢去玩 時不時俾家用我(一或兩個星期一次 每次一萬)我知好多人會覺得奇怪點解佢無啦啦俾錢我🤔

    其實係因為我係返夜場,可以一日搵好多。為咗同佢一齊我寧願唔返 佢話補貼俾我 我平時都要洗費(但我通常都話唔要,但佢都會照俾),不過其實個度連半個月人工都唔知有冇。我講岀黎,唔係怪佢 亦從來冇咁樣諗,我只係想講我為佢賭上我嘅將來。因為呢一行係可以話靠青春食飯 我返呢行唔係貪錢 我從來都唔會買奢侈品名牌 (有嘅,我淨係兩年前生日買過一個袋俾自己)我只係想搵多啲錢將來可以唔使咁辛苦,可以買樓退休。

    佢知道我一直都有食開避孕藥 ,但係因為我懶咗食我疏忽 所以九月尾黎完m到而家成個月都冇嚟到 佢間唔中有問過我有冇食藥,我都會覺得好煩開頭都會串佢話做咩啊你好擔心呀唔想負責任?佢都會話咁如果有咗BB點算,佢就會話返我,話我都未準備好。但係我可以為佢準備好又知唔知呢?我想同佢組織一個家 想同佢行落去 簡簡單單咁生活。

    到咗前日佢叫我驗下係咪有咗,因為我太耐未嚟M 喺未驗之前 我問佢如果有咗點算 佢同我講話佢唔想要 未有打算 負擔唔起住 又話自己有糖尿病怕遺傳比BB 會害左個bb。話因為幫佢前度買樓 欠銀行好多錢起碼要還幾年(但最尾都撻訂咗),又話同我一齊之後銀行冇咗二十萬 (好似怪緊我,雖然佢話唔係)所以而家係入不敷支⋯⋯ 但其實我唔係要我嘅生活日日都五光十色,我係願意過住啲平淡嘅日子,煮定飯等佢放工返嚟。但係一齊咗差唔多五個月,我都未去過佢屋企 。我有問過佢點解 佢話因為佢之前有個女朋友分咗手上佢屋企偷嘢, 所以令到佢屋企人抗拒 佢係同佢屋企人住 但係層樓自己買 同埋佢屋企人見到我同佢年紀差距一定會好多說話。

    佢話如果我一早同佢講停咗藥 佢就會做安全措施 我話佢不負責任,佢問我想佢點樣付 我話唔要BB都得一係去簽結婚紙 但係佢連咁樣都拒絕(當然我有堅持話要生 佢話覺得我未成熟到可以應付 我太倔強 太早 驚佢個病遲早會喪失工作能力會影響我,咁樣令佢好大壓力)

    我問佢係咪同我玩玩下 ,淨係想有人陪 佢答我因為同我一齊 ,佢瞓覺打機嘅時間都少咗好多 點解我仲咁樣覺得 而且日日我話要去邊度去都會就我。又係嘅佢每晚都陪到我好夜 起碼凌晨三點先返屋企 但係其實佢要朝頭早七點要起身反工 而且日日洗費都多。佢話佢要玩 要人陪唔使咁樣 因為佢去夜場多數都係判頭埋單。其實我有諗過佢會唔會係有老婆會唔會有第二個但係呢五個月佢日日收工都即刻搵我 陪到我凌晨先返屋企 有老婆嘅,應該唔可以咁樣做。

    佢話應承我係我唔要佢之前佢唔會唔要我 想同我行落去 ,但唔想比呢啲嘢綁住覺得太早太快 或者等如幾年後大家再了解先。但係我認定左係佢真係好想同佢結婚 我未試過咁想同一個男人生
    我唔知,佢係真係有困難定係唔想對我負責唔夠愛我?但係佢為咗我犧牲左打機瞓覺嘅時間同埋錢 而且我感覺佢都好似好愛我 希望各位大神可以比到意見我

    閱讀更多

  • 匿名

    有冇可能係你自己敏感得滯🥲
    咁落去遲早逼走你男朋友

    閱讀更多

  • 匿名

    俾個❤️❤️你

    閱讀更多

  • 匿名

    不如搵下自己無安全感個源頭係邊先,得你先幫到你自己改變ahh!

    閱讀更多

  • 匿名

    我男朋友會sd比佢兄弟🤣🤣🤣

    閱讀更多

  • 16
  • 16
  • 16
  • 16
  • 16
  • 16
  • 16
  • 16
Copyright © 2023 elahk.com. All Rights Reserved.
Sponsored by facialhk.com