佢走出去私影，個龍友話影完再做

[匿名]

希望可以投到稿
28巴 同GF一齊左4年準備結婚

幾個月前偶然發現GF同一個私影龍友（簡稱D) 有聯絡（未一齊已知GF曾經做過私影，不過只影冇做過其他野）大概內容係D問我GF私影時有咩服裝咁，但之後就開始有啲過火內容（影完再做，開心 ！ 大概呢啲）而對話中我GF冇對佢親匿，不過會覆佢幾時得閒可以約。

咁當時我知道當然即刻問佢咩事，佢話因為果個月支出大咗，條友以前幫佢影過所以先接job 幫補下，我叫佢唔好去，有咩難題一齊挨。佢當時應承咗，之後佢都因為覺得俾唔到安全感我而唔開心，不過雙方傾咗一排，加上本身D同GF約果日GF都有報告行蹤證明自己冇去，GF亦表時blk 咗D ,所以都叫解決咗。

但事後我驚D會煩佢，所以有時會check下GF手機，比我見到D仲有搵GF仲同佢講upload咗上cloud,入app 見有啲相，相既尺度亦相當大，見到個下我係好嬲，我信GF唔會同D有越軌既關係，但一諗到GF比D呢啲人睇全相仲要唔知咩目的去影我GF就已經好嬲。

睇到啲相之後2/3日GF喺app set 咗password先睇到，但我一有機會就check 佢手機，睇唔到啲相啫都唔知D會唔會仲約佢，GF 自從上次比我見到啲record後佢會del chat , 我主要都係側邊望到佢㩒電話先見D有時會電話聯絡佢（內容大概係普通慰問下果啲，因為太快㩒走，睇唔清楚）但我同GF其實一直成日都見，大概都冇時間可以約到。

我自己就一早keep低咗D既電話，各位覺得我應該可以點做？當咩事都冇正常相處？直接打電話「小」D一穫？同GF講佢又會話我check佢而唔開心，真係唔知可以點做。

對於GF既信任我一直都有，知道佢唔會有SP既關係，知道check佢手機係唔啱，但一見到條友keep 住搵我GF就好嬲，各位覺得我可以點做？感謝各位！

[匿名]

真相可能好難接受 但頭已綠
你女友隨時係🐥

[匿名]

你唔再信任佢，佢都唔值得你去信任。

[匿名]

其實有時都唔明啲女冇乜布/全裸/動作意淫咁影相為乜？除左博人J，賣相賺錢，仲有？唔覺係為藝術犧牲囉就😂🙈（原諒我見識少😷

[匿名]

食得鹹魚就要抵得渴，搵得model做女朋友就預咗有人搵佢影性感，甚至大尺嘅相，你咁介意嘅可以搵其他人做女朋友🤷🏻‍♂️🤷🏻‍♂️

[匿名]

如果真係已經block左，點解D仲有機會煩到你地？

一隻手掌拍唔響。
唔想斷既人，未必只有D。

—————————

由頭到尾都係你話信，你有冇同女友認真傾過？佢點講？

你點解唔問佢，點解直到呢一刻佢都唔堅拒D？到底係有苦衷還是有內情。

如果你連搞清楚件事既勇氣都冇，就唔好唸咩結婚，以往存在既問題唔會因為結左婚就突然消失。

D固然討厭，但更重要既係你女朋友既態度。
先處理好兩個人之間既問題，再唸點樣對抗外人。

———————————————

恕我孤陋寡聞，影全相係算正常私影…？

[匿名]

其實好明顯有野 你覺得佢地冇越軌但事實真係好明顯係有

[匿名]

果日同你女朋友影相好開心，雖然佢無著衫褲影，但我地真係無野㗎！佢都好專業，就算乜都無著都無尷尬。三萬蚊晚貴就貴左啲，但係值既！

[匿名]

叫佢換過第二個攝影師囉，全世界得D一個識影相咩？好多女攝影相都好靚

[匿名]

如果喺chat度會講埋影完再做，好明顯係一個「商業交易詳情」，大家早有共識先會咁列明。

• 話block咗又仲聯絡到，你其實知咩事。
• 其他巴絲打已經講咗，－隻手係拍唔響。
• 相信你自己其實有好多野已經講晒比你知，只係睇你自己肯唔肯去面對，無謂呃自己，勇敢啲去面對啦

[匿名]

點解blk咗仲會keep 住chat？
唔繼續chat會畀你見到佢時不時有搵你女友？其實你女友有冇諗過你感受？

[匿名]

又話冇見又話block左，佢都講晒大話呃你啦
點解唔敢同佢講你知道左？
有時候扮唔知既話對方只會愈來愈過份
你又一定忍唔到唔睇既
到一日你知道愈來愈多頂唔順咪又係分手
有問題就講出黎盡早解決啦

[匿名]

我後生時都同過所謂做私影嘅前女友一齊，最後都係攝影師撚走左條女，所以呢，睇路啦兄弟😂 牛唔飲水唔撳得牛頭低，總有道理。 其實男人啊，老說話，有事業唔愁無女，不要執著一個爛茶包

[匿名]

其實如果冇嘢嘅話點解要del chat？
同埋你話信任佢但你又要一路check佢手提電話，即係你把口話信，但係你隻手同你個腦都唔信？既然都咁唔信任佢又唔坦白，你肯定你哋真係可以結到婚嗎？

[匿名]

其實可能D係唔知你女友有男友

[匿名]

立即分手斷尾，但如果你好愛好愛好愛佢，你要預備你人生既未來日子會非常痛苦，因為呢個人係無信任可言，亦有機會令你錯過往後好多人同事