即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅
有精力扑野，但傾多兩句就瞓著
-
大家都27歲，一齊咗已經4年。
近呢一年我開始創業學嘢上堂，而佢開始讀返書，大家都係返朝9晚5嘅工，放工都各有各上堂增值自己。老實講本來覺得大家好同步，就算幾忙幾攰都想學多啲野發展興趣，唔會一個好得閒一個好忙….但其實呢一年黎大家忙完先真係deep talk到1-2句，雖然平時返工都有傾幾句嘅，講下食咩一陣去邊開會嗰啲，但真係有時間聽大家講野已經9點10點。
其實大家都好enjoy呢種攰，因為為咗自己想做嘅野而努力，但去到夜晚想分享下學咗啲咩，次次傾唔夠15分鐘佢已經訓咗…初初明白佢攰所以就自動波知道佢已經訓咗。直到最近好開心想同佢講今日終於整好第一個蛋糕，調配到嗰隻味，然後佢已經訓咗……嗰陣未到10點…
我知大家會以為佢扮訓嘅但肯定唔係，因為我地會FaceTime見到佢已經訓著咗。講真，一方面明白佢嘅攰，因為自己都要返工學野2邊走，但係開始覺得好似自己同自己拍緊拖….
呢排有同佢講可唔可以點都抽啲時間出黎關心下對方，聽下對方講，就算15分鐘都好，唔洗日日都傾但冇啦啦訓著咗真係好大盤冷水🥲佢都有改，叫我上多咗佢屋企，真係有傾多咗10分鐘嘅，但有半個鐘都係為咗扑嘢。
其實當下起到諗，扑嘢就有力但傾2句就訓著，係嘅大家成年人都有需要，但真係覺得好諷刺
撇除佢好早訓，大家性格都好夾，都有目標，每個禮拜至少都有一日半日會食餐飯，相處好開心，但平日又打回原形。好似如果我唔開心有咩樽頸位想搵人傾訴下，但唔會同佢講，反正佢都訓咗…….自己都有調節心態搵朋友講，等自己唔洗自己同自己講野…我知道應該體諒但呢種無力感好重，都有諗過係未訓前幾2句都好任性，講真，就算5分鐘都好，都唔好講講下無啦啦訓著咗，或者嗰日真係好攰，都可以講聲…
佢一定唔係出面有第2個，因為我地電話係任睇，隨時睇到佢位置，當然啦因為我地都4年感情，對大家有信任所以我都唔會成日睇佢位置起邊，所以好肯定佢只係好攰…
傾又傾咗，但今日又冇啦啦訓咗，好想同佢講今日終於接到幾單生意，想俾佢睇下整成點，但最後都係自己同自己講嘢咁…
係未我要求真係太無理？真係唔知點解決…
利伸自問平時節日假期佢好攰都會叫佢訓多陣先又或者我plan我book好都冇問題，已經好努力體諒佢嘅攰…Sorry for 199 因為佢已經訓咗都唔知可以同邊個講
-
講「為咗扑嘢」，証明咗你有bias
-
傾計有力 扑野冇力 仲慘🙃
-
一邊扑一邊傾，咁就有多半個鐘。
-
不如妳買啲可以幫佢減輕疲勞嘅supplements俾佢補充吓，用實際行動認真體諒同減輕到佢嘅攰？
-
過多2年可能你會開始覺得佢識分輕重😂😂
-
傾完先俾扑有冇得諗？
-
你要嘗試企係男性角度去睇呢件事，就會豁然開朗。
男人冇女人咁需要「交流」，所以佢地唔似得女人咁聚埋一齊就講是非、滔滔不絕樂此不疲。
——————————————————
你想同佢分享喜悅好合理，但係唔好因為對方未及時接收而失落；唔好覺得佢訓著左係潑你冷水，站在男人角度只覺得你連教都唔比佢訓。
你既出發點冇錯，但呢個思維對兩個人既關係冇好處。
如果你只釋放出負能量，例如如果佢唔能夠及時比回應你就各種埋怨，佢只會更加唔想同你溝通。
—————————
目前係你地事業既拼搏期，老實講冇咁多時間比你矯情。
某程度上維持肉體關係都顯示你地之間係有交流，因為過程中你最清楚佢有冇顧及你感受。
比起分享你既日常同成就，依家既佢更需要你關心佢既艱難之處。
你應該做既係，佢需要你既時候出現、佢需要空間既時候撤退。
唔好自己胡思亂想。
唔好自己胡思亂想。
唔好自己胡思亂想。 -
訓覺都有錯🥲
-
你唔係無理，但你需要畀多啲體諒佢，攰到瞓著唔係佢想， 冇得用進行緊嘅運動同傾偈對話比較，動態同靜態邊有得比， 心靈上不被滿足，要慢慢去調節，生活艱難。
-
一齊4年都仲咁多嘢講咩！熱戀期都過咗，大家信任大家已經夠啦，要講一係whatapp 講囉，反正佢瞓咗你又可以講，佢咪第二日先聽囉，講真遲d結咗婚到你唔想傾。
-
點解學術堂會易訓著， 上PE堂訓唔著？ 點解要問呢個問題？？ 😂
咁咪食飯傾咯 放工搭車傾咯 一定要最後一刻講？ -
其實你想分享下冇問題想放負都冇問題但你揀錯timing ching。所有野都係要即時分享。你忽然遇到你覺得好開心嘅野想同男朋友分享嘅就要即刻即時contact佢同佢講就算佢冇即時可以答翻你都好你至少已經分享左當刻喜悅丫。如果你要拖到訓前先傾嘅話咁其實你個件事都唔係話太開心或唔開心個啲姐😹
-
正常扑野用下面個口，
咁上面個口把握時間傾，
到搞掂又傾完又扑完，
大家一齊好瞓。👍 -
有心事都覺得佢唔係身邊 寧願同fd講…咁仲係拍拖咩-0-
-
一路扑野一路傾計咪得 大學無教你multitasking?
-
匿
即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅
-
匿
碼頭拒絕俾你靠岸
-
匿
佢大你廿年 ，就當你20歲 即係佢都40歲啦，都唔緊要 因為年齡唔係問題
但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋
-
匿
係公司識，但係夜場返工，姐係個男人係夜場識，去夜場玩嘅男人，你想佢有幾真心？
-
匿
其實唔駛諗咁多！佢真係乜都冇呃妳，連唔想同妳都冇呃妳。所以如果妳真係覺得要同對方結婚，佢唔屬於妳應該考慮嘅對象⋯⋯
-
匿
講到屋企人未見你都已經好大機會唔鐘意你咁，你仲信佢落咗bb就真係會同你結婚？
-
匿
比佢生!比佢生!
-
匿
有冇諗過可能佢老婆帶仔女飛左去外國，佢負責留係香港揾錢，不過佢老婆set左cam係屋企，就係為左check佢有冇偷食，or覺得只要唔偷到返屋企就隻眼開隻眼閉，所以咪從來唔畀你上佢屋企
-
匿
唔好害咗bb,同埋記住超渡嬰靈, 唔係講笑
-
匿
唉⋯⋯一齊5 個月，對人完全唔了解，連人係咪有婦之夫都唔知⋯每個月比兩萬你就以為對你好😅，你的愛情係用兩萬來衡量ga 咩？ 有d人可以ge, 但又係你話其實果兩萬對你來講係少，你自己一個月都唔只搵果個數⋯
其實呢個情況，你覺唔覺得自己比人包呀？
佢話比兩萬你開少d工/唔好返工，你覺得佢晚晚陪你啫，但外人睇似係佢用錢包你（外搭你對佢的感情分）你晚晚陪佢wo…
答你問題，我當你廿歲啦，個男人大你二十年都40 歲啦⋯係正經人家、係負責的話又點會「太早、未準備好」呀？ 仲要咁攪笑幫你評定埋「你自己都未準備好」😂
半年來佢每晚同你出去玩，日日見面，所以你唔覺得佢係有老婆😂⋯你呃人定呃自己？ 我淨係見到一個疑似有婦之夫，每晚扮OT 凌晨三點至返屋企，注意！佢係每晚都要返屋企！你又未上過佢屋企，佢講你又信？
我覺得你冇咁蠢，始終做夜場ge女仔比人感覺都幾醒目，因為要識得保護自己，呢單野你擺明自己呃自己⋯
其實我估你係咁，你宜家都心知個肚唔留得，但你亦心存僥倖，想搏一搏，搏佢並非有婦之夫，搏佢唔係連仔都生左兩名，諗住死纏多陣先，可能講多兩講、威脅多兩野，佢總會是但一瓣落搭，所以你對佢講「落仔都得，但要即刻結婚」，耐何佢連呢個offer都拒絕⋯
佢識玩呀，熟成到佢咁ge男人，又出開來玩，你無啦啦冇食避孕藥有左點解要我埋單？都講左唔會要啦⋯你又用一係落仔一係結婚來講數，點會咁蠢比你講數到呀？重點係玩得果5 個月咋，就攪單咁ge野⋯死人都唔會承諾你d咩野，錢，可以比（少少)你，但玩到又大肚又結婚，會攪到佢一個有婦之夫好頭痕⋯
其實你心知拉扯多一排，佢一定發老爛走人，咁就要睇你自己想唔來要個bb, 你能唔能夠單親，又或者你醒目，唔想冇左佢呢條水喉，去到呢步亦都估到佢老底，你自己解決件事，再扮無知咁拍多一陣拖⋯在佢身上拿得幾多得幾多⋯
我覺得成件事就係咁lo…你可能覺得自己好慘，但其實最慘都係果個未能出世的bb…
-
匿
咁你自己停左藥唔報仲好意思話人不負責任？
其實你係咪想有心裝佢
好似之前果單偷精造人成功迫條仔埋單？
-
匿
宜家都唔同你結 點解會信落左之後會同你結😂
-
匿
樓主好多野都好一廂情願渦。
一齊左5個月就吾要自己份工 為佢賭上將來。
仲要吾食藥 諗住佢會埋單
但有冇諗過人地既生育計劃係點先。搞笑係連屋企都未上 家長都未見就要結婚生bb 🙃 樓主你都幾大膽渦。
-
匿
男人有無老婆都好，但明顯唔想你做佢老婆
-
匿
將包養講到咁清新脫俗都算少見。
·
佢由始至終都好清晰自己既角色，反而你越位了。
·
一個每隔一兩個星期就可以比1萬你做零用錢既人話自己養唔起小朋友，態度其實都唔算係暗示了。
·
一個出黎買，一個出黎賣。
你竟然同佢講將來講家庭講結婚？
-
匿
今年6月係公司識左個大我差多二十年嘅男朋友。 佢好錫我 我哋差唔多日日見，佢會帶我周圍去食嘢去玩 時不時俾家用我（一或兩個星期一次 每次一萬）我知好多人會覺得奇怪點解佢無啦啦俾錢我🤔
其實係因為我係返夜場，可以一日搵好多。為咗同佢一齊我寧願唔返 佢話補貼俾我 我平時都要洗費（但我通常都話唔要，但佢都會照俾），不過其實個度連半個月人工都唔知有冇。我講岀黎，唔係怪佢 亦從來冇咁樣諗，我只係想講我為佢賭上我嘅將來。因為呢一行係可以話靠青春食飯 我返呢行唔係貪錢 我從來都唔會買奢侈品名牌 （有嘅，我淨係兩年前生日買過一個袋俾自己）我只係想搵多啲錢將來可以唔使咁辛苦，可以買樓退休。
佢知道我一直都有食開避孕藥 ，但係因為我懶咗食我疏忽 所以九月尾黎完m到而家成個月都冇嚟到 佢間唔中有問過我有冇食藥，我都會覺得好煩開頭都會串佢話做咩啊你好擔心呀唔想負責任？佢都會話咁如果有咗BB點算，佢就會話返我，話我都未準備好。但係我可以為佢準備好又知唔知呢？我想同佢組織一個家 想同佢行落去 簡簡單單咁生活。
到咗前日佢叫我驗下係咪有咗，因為我太耐未嚟M 喺未驗之前 我問佢如果有咗點算 佢同我講話佢唔想要 未有打算 負擔唔起住 又話自己有糖尿病怕遺傳比BB 會害左個bb。話因為幫佢前度買樓 欠銀行好多錢起碼要還幾年（但最尾都撻訂咗），又話同我一齊之後銀行冇咗二十萬 （好似怪緊我，雖然佢話唔係）所以而家係入不敷支⋯⋯ 但其實我唔係要我嘅生活日日都五光十色，我係願意過住啲平淡嘅日子，煮定飯等佢放工返嚟。但係一齊咗差唔多五個月，我都未去過佢屋企 。我有問過佢點解 佢話因為佢之前有個女朋友分咗手上佢屋企偷嘢， 所以令到佢屋企人抗拒 佢係同佢屋企人住 但係層樓自己買 同埋佢屋企人見到我同佢年紀差距一定會好多說話。
佢話如果我一早同佢講停咗藥 佢就會做安全措施 我話佢不負責任，佢問我想佢點樣付 我話唔要BB都得一係去簽結婚紙 但係佢連咁樣都拒絕（當然我有堅持話要生 佢話覺得我未成熟到可以應付 我太倔強 太早 驚佢個病遲早會喪失工作能力會影響我，咁樣令佢好大壓力）
我問佢係咪同我玩玩下 ，淨係想有人陪 佢答我因為同我一齊 ，佢瞓覺打機嘅時間都少咗好多 點解我仲咁樣覺得 而且日日我話要去邊度去都會就我。又係嘅佢每晚都陪到我好夜 起碼凌晨三點先返屋企 但係其實佢要朝頭早七點要起身反工 而且日日洗費都多。佢話佢要玩 要人陪唔使咁樣 因為佢去夜場多數都係判頭埋單。其實我有諗過佢會唔會係有老婆會唔會有第二個但係呢五個月佢日日收工都即刻搵我 陪到我凌晨先返屋企 有老婆嘅，應該唔可以咁樣做。
佢話應承我係我唔要佢之前佢唔會唔要我 想同我行落去 ，但唔想比呢啲嘢綁住覺得太早太快 或者等如幾年後大家再了解先。但係我認定左係佢真係好想同佢結婚 我未試過咁想同一個男人生
我唔知，佢係真係有困難定係唔想對我負責唔夠愛我？但係佢為咗我犧牲左打機瞓覺嘅時間同埋錢 而且我感覺佢都好似好愛我 希望各位大神可以比到意見我
-
匿
有冇可能係你自己敏感得滯🥲
咁落去遲早逼走你男朋友
-
匿
俾個❤️❤️你
-
匿
不如搵下自己無安全感個源頭係邊先，得你先幫到你自己改變ahh!
-
匿
我男朋友會sd比佢兄弟🤣🤣🤣
Sponsored by facialhk.com