佢屋企有M巾,都堅持話自己無女朋友


  • 佢係我健身教練,我對佢唔算一見鍾情,但係第一印象好好,因為果陣我剛分手無耐未有拍拖打算,第二次見面我好直接問佢做唔做sp。
    當時無諗咁多問題,就上咗佢屋企,睇落間屋係自己一個人住,佢聲稱都係一個人,但係個廁所就有啲護膚品,我當時都冇為意。

    一直keep住做咗半年,我對呢個人越嚟越好奇,因為佢成日消失,搵唔到人,一係已讀不回,永遠都係得佢約我,我係好難先約到佢。
    到最後真係忍唔住,趁有晚佢約我上佢屋企,我去廁所摷吓佢啲櫃,發現佢個櫃有啲M巾係度,我又留意吓佢間屋,但都唔似有女人住係度。
    但M巾呢樣野點解釋都唔通,果晚之後我就冇搵過呢個人,我好怕自己無意之間介入咗,怕佢萬一係有女朋友,我就做咗人第三者,我真係無心。

    其實無搵佢一段時間,佢都冇再搵過我,當我以為呢段關係完結果陣,佢突然起勢咁撩我傾計。我覺得呢個人真係好賤,我忍唔住同佢講,你都有女朋友重搵我做咩?佢不停否認。重話啲M巾係佢屋企人,據我所知佢有個家姐定唔知妹。你個家姐定唔知妹又唔係同居,會擺M巾係你屋企?但佢依然否認,我為咗證實自己疑惑,我人肉搜索佢ig,終於比我發現到個女仔疑似係佢女朋友,因為個ig 係公開,有幾張相都係佢屋企影。

    我直接sd埋個女仔ig比佢諗住佢無得辯駁,但佢到最後話題完結都係講冇女朋友。我以為今次鬧薑之後大家就真係唔會再聯絡,但呢個人不斷係咁每日sd信息比我講無聊野。我真係想反白眼,係我諗多咗?定係佢唔怕失去女朋友?

    發生咗呢件事我好內疚,我一直最睇唔起啲第三者,無諗過發生係我身上。


  • 好出奇咩,以前去p 記跟教練,個教練whatsapp 頭像係細路女,但佢約我出街,我問佢係咪有老婆仔女,佢話冇,我驚佢個人唔老實,我就問佢同事個教練係咪有個女,個同事話係🤪有家室都唔認,所以如果你都唔鍾意做第三者,應該事前多d 渠道查清楚,唔好信對方片面之辭


  • 留言睇到香港人閱讀理解有幾差🤪


  • 其實你都係做SP姐😅😅😅


  • 就做番SP本份
    做咩要理人地私人野
    沉船就沉船啦


  • 兩個都奇撚怪怪


  • 條友行為不代表所有健身教練😢


  • 其實睇原po無沉囉🤣點解有人話原po? 原po似係唔想搵人哋男朋友做sp先係咁judge


  • 啲m巾係咪用黎擺鞋底吸濕呀~


  • 你唔係主動搵人做sp?而家又要理人有冇女,你都幾煩下


  • 錯重點,不過想知又話係你健身教練但又成日搵唔到人咁點健身🥹🥹


  • SP嘅話唔搵就唔搵啦!使咩打段嘢上嚟!沉船就沉船啦!


  • 你有冇搞錯件事,你一直只係sp…連第三者也不是🤔


  • 由你問佢做唔做你sp個刻,你都冇諗過後果,怕咩?再講,做得人sp就唔好理佢ge私生活,唔好以唔想做第三者為由去窺探佢ge私生活。


  • 如果大家都係sp的身份,你又如何介入佢同女友,然後做左第三者?
    其實你係有懷疑的就比個定斷自己啦,你心決定佢係有女友-》不來往,就完全唔需要再諗,佢係搵返你唔可以當佢透明?唔可以block左佢?你咁心思思做咩?
    不如唔好再投入d sp關係啦,你唔覺得自己跟本玩唔起咩?

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 16
  • 16
  • 16
  • 16
  • 16
  • 15
  • 16
  • 16
Copyright © 2023 elahk.com. All Rights Reserved.
Sponsored by facialhk.com