得閒我會諗起個男仔,而唔係男朋友


  • 講翻個背景先,我同男朋友一齊左3年幾,男朋友大我10年。我18

    3年前大家因為翻同一份工而熟左,之後一齊左。好快我都見左佢家人,佢屋企人都對我好滿意,好錫我。男朋友一直都視我為結婚對象,佢屋企人都想我地快啲結婚,但我每次都係笑笑地帶過。講真我而家仲讀緊書,起碼要讀多5年。我根本就唔想結婚,都有同佢提出過,但佢就話你到時就唔係咁諗㗎啦,你到時唔好嚟求翻我。咁之後我都廢時同佢嘈,咁我就冇出聲。我男朋友係一個控制慾好強嘅人。見面就會check 我電話、wts 、相簿。我日日都要同佢報到我去左邊,就算我係同女仔fd 出街要影相比佢睇。如果太遲冇覆佢,佢會發脾氣。質疑我係咪同邊個男仔出街。佢仲係一個好悶,唔識製造驚喜嘅男人。上一次三週年去左staycation都係我安排,佢冇送野比我,呢一點我都幾反感。
    呢排我同我男朋友相處,唔知點解佢做咩我都睇佢唔順眼,好想鬧佢。

    去到近排,有一個男仔dm我,我有同佢係ig 傾過計。我男朋友問佢係邊個,我答同學。其實佢根本就唔係我同學。我知我講大話係唔啱。但如果我唔係講同學,到時又要鬧交。慢慢我都對呢個男仔產生少少興趣,我好想知道佢更加多嘢,所以我會成日開IG睇吓佢有冇post story。我為左想比呢個男仔知我多啲嘢,我set咗佢做close fd 。我平時冇野做嗰陣我都會諗起呢個男仔而唔係諗住我男朋友。其實咁樣係米已經代表我鐘意左第二個?
    想問下大家我係米應該同男朋友分手,唔好害左佢?


  • 阿女你先18歲,人地已經28,諗結婚係好正常,既然你未定性就放手吧


  • 3週年???? 15歲拍拖


  • 鐘意左第二個咪分手囉😂


  • 唔明點解有人淨係屌樓主 要屌嘅話 唔係應該兩個一齊屌咩?

    咩叫嚟求翻我 結婚要用求?
    check 電話都算 仲要check埋相簿
    多疑 控制慾強 唔識尊重人 就算幾優點都冇用啦 點行到結婚個步 都冇信任嘅

    樓主又係嘅 你已經講咗你男朋友咁多缺點 少少優點都冇 你又有幾鍾意你男朋友?
    諗清楚自己想要啲咩先啦 拍咗3年拖都仲係咁唔健康嘅相處模式 一係磨合 一係分手


  • 個仔帶一個15歲既女朋友返屋企,正常黎講佢屋企人應該會覺得意外甚至擔心;但佢地既反應可以話係好反常,反而令你有「佢地好滿意、好錫我」既感覺。

    真正為下一代著想既長輩都會建議年輕人完成學業先,有穩定既生活先考慮結婚生仔。

    佢地明知你咁細個、仲讀緊書,竟然會催婚?

    真係細思極恐,佢地有冇企係你既角度關心過你個人感受同利益?

    ————————————————

    你呢個年紀可以話仲係小朋友,你係校園入面、連世界幾大都未知,更加唔好話搞清楚自己想要咩。

    愛唔係綁住一個人、控制佢既一切,將對方改造成自己中意既樣;而係給予對方足夠既信任同自由,令對方自願留低。

    你同現任既相處模式係唔健康的。

    —————————

    不過拍拖既嘢開心就好,依家既你揀邊個都冇問題。

    但你要記住:對現階段既你黎講,冇嘢比學業重要。

    好好讀書,保障自己先。
    將來經歷過、唸清楚自己想要咩,先好考慮結婚。


  • 而家嘅你18歲,仲有大把青春,無謂要一個對自己唔好嘅人綁死自己。拍拖係為咩?開心囉。你問下自己開心嗎?佢成日check嚟check去,係佢對自己無信心嘅一面。要你而家即走可能好難,但隨住時間流去,如果你覺得十年後都唔後悔乜都無試過,咁就隨你心意啦。


  • 佢講乜撚「到時唔好嚟求番我」,佢自戀狂黎架

    仲有佢會發脾氣,又唔識製造驚喜,樓主竟然可以同佢一齊3年幾😦⋯⋯不過都唔出奇,你同佢一齊嗰陣先15歲左右🤔


  • 先唔講你同個男仔dm心掛掛,你有無諗過就係因為你男朋友太差先同以前嘅女朋友keep唔耐甚至難揾另一半,所以佢屋企人見到你得18歲天真唔識野先會催婚?如果佢地真係為你好錫你,點可能你仲讀緊書就要你結婚?擺明係想用婚姻cool住你幫佢個仔傳宗接代啦😂


  • 相差十年吾係問題,但係你先18歲催野婚🙄,法定結婚年齡係21歲,更何況你書又未讀完,社會又未接觸過,萬一真係有咩事佢到時候同你離婚你乜都吾識吾知咪恐怖,同埋講真,得個18歲想分咪分手,價值觀吾同都吾行得遠,更何況佢都吾尊重你,check 你所有私隱吾係為你好啊嘛🤯,冇覆就發脾氣,遲下會吾會咁而去郁手🤯


  • 先唔好講結婚,拍拖求開心,問自己一句,你快樂嗎?
    你而家男友係你情人、老豆、教官定係懲教?
    講大話係唔岩,但你有咁多不滿,如唔想佢check住哂、想有浪漫驚喜,有冇坦誠同佢講過?
    要懂得追求屬於自己的幸福,而唔係向呢個識左三年幾嘅人交數,除非你想交一世


  • 同男朋友分手啦,十年後你先會識諗


  • 第一,你根本未玩夠~~18歲未見識過呢個花花世界,外面大把引誘,就算冇呢個男仔出現,你都會因其他新鮮感而有想走既念頭

    第二,你男朋友就係經歷過 知道18歲既人未定性,所以先咁樣控制你,驚你做岀一d佢而去既事情

    你都係諗清楚想繼續玩,定要安穩😪


  • 你根本唔愛你男朋友啦,放生佢啦。


  • 😢呢個30歲嘅男人唔啱你⋯⋯
    Check到咁樣⋯ 完全係零尊重嘅表現


  • 好合理概,控制欲太強嘅人一齊其實好辛苦,而且你仲咁細個,點樣對到老

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 15
  • 16
  • 16
  • 16
Copyright © 2023 elahk.com. All Rights Reserved.
Sponsored by facialhk.com