我都體諒佢返夜場點解我做PTBF就唔得?


  • 簡單交代吓故事背景,我紀律部隊,就黎30,前女友20頭,佢係會所陪酒女仔。佢一直有講可以唔反夜場,正經拍拖,但反夜場佢搵到錢我地將來會更好,所以我冇反對過佢反,仲幾想佢反。

    佢好靚,高瘦,超識打扮護膚保養,身邊好多兵,試過有客送20萬勞力士,手袋護膚品化妝品個d更加唔洗講,數之不盡,總之佢由頭到腳就連拖鞋都係名牌,佢自己本身亦搵緊10萬或以上一個月。

    初時識佢覺得自己完全高攀唔起佢,我份糧都唔會夠佢用。但係識耐左發現佢搵男朋友要求唔高,加上我本身條件都唔差(185 cm再以上,樣正常),又穩定每月3萬以上收入,我d同事個個話佢正,媾到好有成功感,就試媾佢點知佢真係受。

    由於佢一個人住,所以好快我就搬咗去同佢同居喇。但係慢慢我自卑心出咗泥,覺得自己搵個小小錢好似同佢差好遠,加上佢作息時間日夜癲倒(朝早9-10點訓,夜晚6-7點起身),佢當時唔會查我手機,令我萌生一個想法,就係去做ptbf ,搵多d錢,唔會咁自卑。

    之後我襯放假做左第1單,收左幾k同一個肥女人做,亦試過收幾k幫男人(只用口)。點知一個月後,一齊睇YouTube 時我手機彈咗tg出泥比佢見到,就係我同我第一個肥女人客對話。佢搶我手機睇曬之後好唔開心,但出奇地佢冇大吵大鬧,只係一個人凌晨走咗,冷靜後佢同我傾,問我係咪因佢份工令我都要咁做報復佢,我同佢解釋唔係,只係因為我想比個好將來佢。佢話所有男人都會偷食,叫我唔好搵藉口,佢話佢雖然做呢行但從來唔會玩到同人發生關係(應該真,睇佢手機見過有客開18萬叫佢陪佢一晚,佢直接拒絕)。最後佢比多一次機會我,話再發現就冇情講,但由呢時開始我地冇再扑過,佢都拒絕同我親密。

    之後我真係停左一陣冇做ptbf,但係一直好懷念搵快錢感覺,於是又忍唔住出反泥繼續做。終於一次,佢偷睇我電話又再發現,佢默默流淚之後佢好冷靜咁話既然你咁鍾意搵錢,我幫你搵埋job、你回番佣比我,我地之間冇關係,你執埋d野走。我求佢氹佢,但冇執野走,佢又冇再提過叫我搬,不了了之。之後,佢會凌晨4-5點無la la拍醒我叫我出去陪客,再分我一半錢(就算我第日番早都係)。

    最後呢個狀態維持咗一個月,佢識左個同我年紀差唔多既客,開始曖昧。我見到之後發脾氣,打比佢個客鬧,佢只係淡然講句:比過一次機會你,一係你就叻d唔好比我發現,唔想阻止你做ptbf既夢想,各有各la。過咗幾日佢同客一齊咗,逼我執走哂d野,冇再應過我一句WhatsApp,仲刪埋我fb ig。

    近幾日用第二個帳睇佢ig(佢ig公開),佢仲同緊個客一齊。佢變咗好多,好早起身會去做gym,會煮飯比佢男朋友食(佢以前乜野家務都唔做),成日po同佢男朋友d相,仲po兩個人無名指帶介指既相,應該準備結婚。佢再比以前靚咗,氣質多咗。我扮客打上佢公司想約佢(佢可以話係紅牌,日日都有客會打去預約佢,所以唔奇),點知個經理話佢已經一年冇反過工(同我分手一年,姐係一同客一齊就唔反)。

    我好唔甘心,明明我同第個女人做我都係想比將來佢,點解佢唔體諒我?我都體諒佢反夜場喇!點解同我一齊時同現在既佢完全係兩個人?我好想試吓搵反佢。點解夜場女可以好似冇感情咁?好唔甘心好嬲。


  • 佢無因為18萬而出賣自己身體
    但你會因為幾K就賣身
    你個價只值幾K
    佢唔止值18萬


  • 你ex由始至終都好清醒。
    佢知道自己既優勢,知道可以運用優勢既時間有限。
    ·
    可能佢其實都等緊你一句「唔好做啦,我地慢慢儲錢,我唔想你咁委屈」。
    可惜你不但冇,仲要令佢好失望。
    ·
    所以佢後來果斷金盤洗手,揀個可以令自己生活有保障既人,唔再同你講心、玩甚麼戀愛遊戲。
    ———————————————
    見到女朋友要去討好其他男人,你作為男人,心入面肯定有唔舒服。
    ·
    但係你唔捨得叫佢停,因為你自私、想早日買樓過好日子,所以間接利用左佢。
    ·
    同一時間你要發洩頭頂綠帽又唔敢除既不滿,於是就搵左個「看似合理」既藉口———為左兩個人既將來,去用類似既方式黎討好其他女人黎「報復」佢。
    ·
    你甚至接一個條件比佢差好多既客人,另一種意義上既侮辱佢。
    同時作為自欺欺人既藉口:個客咁差我都接,都係為左兩個人既將來咋,我犧牲幾大。
    ———————————————
    話你係懦夫已經算仁慈。


  • 紀律部隊做ptbf同不道德交易即係無紀律啦,仲話紀律部隊。你好彩你係香港,你係外國可以格職拉埋


  • 休班去夜場識陪酒女
    然後唔俾人做,自己去做鴨
    Bruh💀


  • 你個人都幾冇底線


  • 支持佢返夜場搵多啲錢將來會更好 笑左


  • 成個故仔就係得五個point 1.我最雄偉 2.冇人雄偉得過我 3.我做乜都啱 4.我做嘢唔駛你教 5.唔好搞我後面


  • 紀律部隊即係🐕啦😂


  • 佢做嘢有原則,你冇,所以你冇資格唔甘心


  • 由你唔反對佢返夜場陪因為將來會好
    我都廢事睇落去😹


  • 做夜場未必會扑嘢 你做ptbf扑埋 仲要幫男人都幾好笑🫢


  • 好想睇條女個ig 😏


  • 幾欣賞個女仔另類既成熟同淡然


  • 睇到第一句話佢返夜場搵到錢將來會更好已經唔洗再睇落去😂😂 你真係愛佢就直頭叫佢唔好返夜場喇 放生人喇好嗎


  • 紀律部隊OT錢唔少啦

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 16
  • 16
  • 15
  • 16
Copyright © 2023 elahk.com. All Rights Reserved.
Sponsored by facialhk.com