我未享受完我嘅青春就要做人啊媽


  • 大家好 想大家比比意見🙇‍♀️

    本人剛剛21,男大我14歲 ,拍左2年半一直都覺得冇咩問題,佢對我好好~好錫我~好包容我 ~

    直到....我有左BB,我好驚 ,身邊朋友都叫我吾好要。原因我性格太小朋友..太on9..加上我冇錢🤦🏻‍♀️ 咁我都有自知自明 ,小朋友養小朋友係一個吾理智決定,所以我都吾想要。但佢好想要,想結婚佢仲話生左吾洗我理...佢養咩都佢搞。佢仲話如果依家吾要再遲D可能冇機會..體力都可能跟吾上等等...

    但我好驚,我會害左個小朋友,咩都冇生個小朋友? 要窮養?我好驚..同埋咩都佢搞...我驚佢壓力會爆錶🤯如果我生左我真係會幸福定後悔?我到底接吾接受到佢老我好多?我仲未享受完我嘅青春...就要做人個媽!我吾知,我好驚 ,依家我淨係識得喊

    好迷惘 所以想投稿 問問大家

    提利:我知自己衰 一兩次冇做足安全措施 我知錯 但我依家可以點?

    sorry for 1999


  • 男人叫你生、話佢會養,呢啲說話真係唔好信
    如果你咁細個就要湊小朋友,經濟上又完全倚賴佢嘅話,有一日佢對你唔好咁點?你係咪都要為咗小朋友默默忍受?
    你自己都話自己好小朋友又無經濟能力,咁不如等你同男朋友一齊多幾年、互相了解耐啲再諗生小朋友啦

    母親的抉擇 真心幫到你 🙏🏼🙏🏼🙏🏼


  • 喇 建議叫距白紙黑字印埋手指印保證到時你咩都唔洗理,而你真係要到時個b點喊點鬧都唔關你事。好多男人都係tum你依家生左先,惗住你到時候會母愛爆發主動臭。如果唔係真係唔好犧牲自己


  • 佢講你就信?生仔前唔該女人都賺到錢有能力自己一個養,當你一味依賴男人養家個陣,你就好難再走得甩。你自己都話腦筍未生齊又無錢,點做一個好媽媽?你點保證個男人會唔會變心離開你甚至家暴你? 顧好自己再諗個BB啦


  • 若然佢有經濟能力可以養得起小朋友、你原本又有心嫁比佢,疊埋心水結婚生仔都冇咩問題。
    ·
    如果你由始至終都冇打算同佢結婚、覺得自己未玩夠,就唔好猶豫、即刻去墮胎,因為越遲做手術對身體傷害越大。
    ———————————————
    但你要有心理準備,如果真係決定唔要呢個bb,你地好大可能會分手。
    ·
    同年齡比自己大好多既人一齊肯定有好處,但同時亦有壞處;你唔能夠享受種種優點之後,唔肯面對缺點。
    ·
    人總要長大,你唔會永遠21歲。
    喊只係宣洩情緒既方式,喊完就要唸辦法解決問題。


  • 媽媽未ready真係會好大鑊….


  • 生仔唔該考返個牌先,多謝


  • 真心你冇能力嘅就唔好生出來
    呢個男人第時唔要你咁你點算?
    或者難聽啲講佢自己出咗啲咩意外咁點算?


  • 千奇唔好相信男人講嘅咩到時我搞得啦你唔洗理,除非你男朋友好有錢,有錢可以請人湊,如果唔係到時你都係要自己照顧返,嗰時你要放棄好多野又有個小朋友,咩後路都無晒


  • 唸青春呀女,你先21歲,以後的世界大定細全睇你點揀!
    生唔生係由你決定,因為得你先有權力去選擇,但如果最後你選擇生,你就要有負責到底Ge心理準備(如果你最後決定賦予呢個BB黎到世間Ge決定,咁你完全唔可以依賴個男人,難聽講句,如果個男人唔負責,你都要負責到底,呢個就係你選擇生Ge責任)!!


  • 建議你去家計會搵輔導傾,咁大件事一條生命,上網問人等人幫你做決定?呢度啲人難聽啲講,生又唔使佢哋養,落又唔使佢哋傷心傷身。21歲唔細,係時候做返個負責任嘅成年人。


  • 經濟能力如何先🥹
    咁都要結婚先生仔
    禮金呢🥹樓呢🥹
    唔係拜金🔥係現實


  • 男方家境如何先? 有無人幫手照顧? 係咪同你結婚負責? 唔係就唔好信一句「要」🌝🌝 我見過後生一句話要,轉頭個男嘅出去揾過個 女仔要負晒責任


  • 係呢度生 同 唔生,你都一樣係被人屌嫁啦
    不過生左就連個仔都屌埋你,自己諗


  • 冇人一出世就識做人阿媽,全世界都係摸住石頭過河,包括你阿媽阿嫲。襯仲有九個月,好好做好心理調整,最緊要兩個人都真係想要就得,其他人未生過嘅當鳩up就得


  • 咁點解唔戴套 唔戴套之後中又唔要就已經係一樣唔負責嘅事 奉勸怕有就唔好搞 大把人想有小朋友都難 好好珍惜生命

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 匿名

    比佢生!比佢生!

    閱讀更多

  • 匿名

    有冇諗過可能佢老婆帶仔女飛左去外國,佢負責留係香港揾錢,不過佢老婆set左cam係屋企,就係為左check佢有冇偷食,or覺得只要唔偷到返屋企就隻眼開隻眼閉,所以咪從來唔畀你上佢屋企

    閱讀更多

  • 匿名

    唔好害咗bb,同埋記住超渡嬰靈, 唔係講笑

    閱讀更多

  • 匿名

    唉⋯⋯一齊5 個月,對人完全唔了解,連人係咪有婦之夫都唔知⋯每個月比兩萬你就以為對你好😅,你的愛情係用兩萬來衡量ga 咩? 有d人可以ge, 但又係你話其實果兩萬對你來講係少,你自己一個月都唔只搵果個數⋯
    其實呢個情況,你覺唔覺得自己比人包呀?
    佢話比兩萬你開少d工/唔好返工,你覺得佢晚晚陪你啫,但外人睇似係佢用錢包你(外搭你對佢的感情分)你晚晚陪佢wo…
    答你問題,我當你廿歲啦,個男人大你二十年都40 歲啦⋯係正經人家、係負責的話又點會「太早、未準備好」呀? 仲要咁攪笑幫你評定埋「你自己都未準備好」😂
    半年來佢每晚同你出去玩,日日見面,所以你唔覺得佢係有老婆😂⋯你呃人定呃自己? 我淨係見到一個疑似有婦之夫,每晚扮OT 凌晨三點至返屋企,注意!佢係每晚都要返屋企!你又未上過佢屋企,佢講你又信?
    我覺得你冇咁蠢,始終做夜場ge女仔比人感覺都幾醒目,因為要識得保護自己,呢單野你擺明自己呃自己⋯
    其實我估你係咁,你宜家都心知個肚唔留得,但你亦心存僥倖,想搏一搏,搏佢並非有婦之夫,搏佢唔係連仔都生左兩名,諗住死纏多陣先,可能講多兩講、威脅多兩野,佢總會是但一瓣落搭,所以你對佢講「落仔都得,但要即刻結婚」,耐何佢連呢個offer都拒絕⋯
    佢識玩呀,熟成到佢咁ge男人,又出開來玩,你無啦啦冇食避孕藥有左點解要我埋單?都講左唔會要啦⋯你又用一係落仔一係結婚來講數,點會咁蠢比你講數到呀?重點係玩得果5 個月咋,就攪單咁ge野⋯死人都唔會承諾你d咩野,錢,可以比(少少)你,但玩到又大肚又結婚,會攪到佢一個有婦之夫好頭痕⋯
    其實你心知拉扯多一排,佢一定發老爛走人,咁就要睇你自己想唔來要個bb, 你能唔能夠單親,又或者你醒目,唔想冇左佢呢條水喉,去到呢步亦都估到佢老底,你自己解決件事,再扮無知咁拍多一陣拖⋯在佢身上拿得幾多得幾多⋯
    我覺得成件事就係咁lo…你可能覺得自己好慘,但其實最慘都係果個未能出世的bb…

    閱讀更多

  • 匿名

    咁你自己停左藥唔報仲好意思話人不負責任?
    其實你係咪想有心裝佢
    好似之前果單偷精造人成功迫條仔埋單?

    閱讀更多

  • 匿名

    宜家都唔同你結 點解會信落左之後會同你結😂

    閱讀更多

  • 匿名

    樓主好多野都好一廂情願渦。
    一齊左5個月就吾要自己份工 為佢賭上將來。
    仲要吾食藥 諗住佢會埋單
    但有冇諗過人地既生育計劃係點先。搞笑係連屋企都未上 家長都未見就要結婚生bb 🙃 樓主你都幾大膽渦。

    閱讀更多

  • 匿名

    男人有無老婆都好,但明顯唔想你做佢老婆

    閱讀更多

  • 匿名

    將包養講到咁清新脫俗都算少見。
    ·
    佢由始至終都好清晰自己既角色,反而你越位了。
    ·
    一個每隔一兩個星期就可以比1萬你做零用錢既人話自己養唔起小朋友,態度其實都唔算係暗示了。
    ·
    一個出黎買,一個出黎賣。
    你竟然同佢講將來講家庭講結婚?

    閱讀更多

  • 匿名

    今年6月係公司識左個大我差多二十年嘅男朋友。 佢好錫我 我哋差唔多日日見,佢會帶我周圍去食嘢去玩 時不時俾家用我(一或兩個星期一次 每次一萬)我知好多人會覺得奇怪點解佢無啦啦俾錢我🤔

    其實係因為我係返夜場,可以一日搵好多。為咗同佢一齊我寧願唔返 佢話補貼俾我 我平時都要洗費(但我通常都話唔要,但佢都會照俾),不過其實個度連半個月人工都唔知有冇。我講岀黎,唔係怪佢 亦從來冇咁樣諗,我只係想講我為佢賭上我嘅將來。因為呢一行係可以話靠青春食飯 我返呢行唔係貪錢 我從來都唔會買奢侈品名牌 (有嘅,我淨係兩年前生日買過一個袋俾自己)我只係想搵多啲錢將來可以唔使咁辛苦,可以買樓退休。

    佢知道我一直都有食開避孕藥 ,但係因為我懶咗食我疏忽 所以九月尾黎完m到而家成個月都冇嚟到 佢間唔中有問過我有冇食藥,我都會覺得好煩開頭都會串佢話做咩啊你好擔心呀唔想負責任?佢都會話咁如果有咗BB點算,佢就會話返我,話我都未準備好。但係我可以為佢準備好又知唔知呢?我想同佢組織一個家 想同佢行落去 簡簡單單咁生活。

    到咗前日佢叫我驗下係咪有咗,因為我太耐未嚟M 喺未驗之前 我問佢如果有咗點算 佢同我講話佢唔想要 未有打算 負擔唔起住 又話自己有糖尿病怕遺傳比BB 會害左個bb。話因為幫佢前度買樓 欠銀行好多錢起碼要還幾年(但最尾都撻訂咗),又話同我一齊之後銀行冇咗二十萬 (好似怪緊我,雖然佢話唔係)所以而家係入不敷支⋯⋯ 但其實我唔係要我嘅生活日日都五光十色,我係願意過住啲平淡嘅日子,煮定飯等佢放工返嚟。但係一齊咗差唔多五個月,我都未去過佢屋企 。我有問過佢點解 佢話因為佢之前有個女朋友分咗手上佢屋企偷嘢, 所以令到佢屋企人抗拒 佢係同佢屋企人住 但係層樓自己買 同埋佢屋企人見到我同佢年紀差距一定會好多說話。

    佢話如果我一早同佢講停咗藥 佢就會做安全措施 我話佢不負責任,佢問我想佢點樣付 我話唔要BB都得一係去簽結婚紙 但係佢連咁樣都拒絕(當然我有堅持話要生 佢話覺得我未成熟到可以應付 我太倔強 太早 驚佢個病遲早會喪失工作能力會影響我,咁樣令佢好大壓力)

    我問佢係咪同我玩玩下 ,淨係想有人陪 佢答我因為同我一齊 ,佢瞓覺打機嘅時間都少咗好多 點解我仲咁樣覺得 而且日日我話要去邊度去都會就我。又係嘅佢每晚都陪到我好夜 起碼凌晨三點先返屋企 但係其實佢要朝頭早七點要起身反工 而且日日洗費都多。佢話佢要玩 要人陪唔使咁樣 因為佢去夜場多數都係判頭埋單。其實我有諗過佢會唔會係有老婆會唔會有第二個但係呢五個月佢日日收工都即刻搵我 陪到我凌晨先返屋企 有老婆嘅,應該唔可以咁樣做。

    佢話應承我係我唔要佢之前佢唔會唔要我 想同我行落去 ,但唔想比呢啲嘢綁住覺得太早太快 或者等如幾年後大家再了解先。但係我認定左係佢真係好想同佢結婚 我未試過咁想同一個男人生
    我唔知,佢係真係有困難定係唔想對我負責唔夠愛我?但係佢為咗我犧牲左打機瞓覺嘅時間同埋錢 而且我感覺佢都好似好愛我 希望各位大神可以比到意見我

    閱讀更多

  • 匿名

    有冇可能係你自己敏感得滯🥲
    咁落去遲早逼走你男朋友

    閱讀更多

  • 匿名

    俾個❤️❤️你

    閱讀更多

  • 匿名

    不如搵下自己無安全感個源頭係邊先,得你先幫到你自己改變ahh!

    閱讀更多

  • 匿名

    我男朋友會sd比佢兄弟🤣🤣🤣

    閱讀更多

Copyright © 2023 elahk.com. All Rights Reserved.
Sponsored by facialhk.com