請你以後都帶住:曾經有個小生命既罪惡感


  • 首先我想回應一下你話你認真拍拖,事實上你根本就唔係認真咁開始。我地係埋一齊之後,你同你最好嘅朋友講,你只係想呃蝦條,玩完就算等等等等好難聽嘅嘢。我係聽完你講完呢啲說話之後,我都唔敢相信,問返你,你話只係講笑。

    之後就係你成日講嘅拜金價值觀。你所講嘅拜金價值觀,係因為我屋企有錢過你屋企?你既然講到我屋企係有公司,咁我點解要你啲錢?我冇用過你嘅錢,我亦都買咗好多嘢俾你。試問你身上嘅Yeezy、dunklow、Dior耳環邊個買?衫褲鞋襪,甚至底褲我有啲咩冇送過俾你?我有冇同你計過?我都係聽到你周圍同人講我拜金之後先思考自己係咪真係一個「拜金女」。我地平時食飯,呢啲係邊個俾?你冇錢嘅時候邊個俾一部份錢你買電腦?你送過嘅禮物,我真係好珍惜,我好鍾意。我唔覺得一個真係拜金嘅女仔會同一個冇儲蓄嘅男仔一齊。另外,你話我上網睇名牌就係拜金,我唔理解點解上網睇下名牌,就算買都係用自己錢買,都係你所講嘅拜金。定係純粹你接受唔到我哋嘅家庭背景差異?最可笑嘅係,我第一次聽你講我拜金係因為你同我前男朋友嘅女朋友傾我嘅嘢。

    畢業前都只係因為一啲瑣碎事而嗌交,尚算風平浪靜。但我地一齊升上大專之後,你讀嗰科入面有一個女仔係你同班同學,更加係中學個陣鍾意過嘅人,喺我哋啱啱一齊嘅時候我已經講過介意你同佢有太多相處,然後你承諾唔會同佢有太多接觸。但原來之後你地有影相,瞞住我一齊做project,呢啲我都已經好唔開心,因為我真係冇安全感,不過呢啲都唔算得係咩,只係好小事。再後尾你手機突然間有佢嘅自拍相出現,我問你點解,你竟然話同佢搶手機,之後睇佢手機見到佢嘅相,覺得好得意,所以airdrop咗俾你自己。嗯,你真係好愛我。

    後來我地鬧交講分手,我不惜一切求你復合。我透過我啲同學先知,原來你地兩個係分手前就曖昧緊,你地一齊返學,你特登去買鞋同佢撞情侶鞋。最後你仲糾結要同我復合定係同另外一個女仔一齊。但我冇所謂,我個陣為咗同你一齊返我咩都可以應承你,你想我點都可以,呢啲你自己都知道。

    之後,的確係「意外」大咗肚,不過係因為你唔肯帶套。直至而家,你都冇俾個一蚊去負責呢件事。上個月尾,我問你攞返做手術嘅錢,因為之前講咗一人一半,畢竟雙方都有責任。但我收到嘅回覆就係「0責任」、「你爽完咪算囉搞咁多嘢做咩」等等。最恐怖嘅係你話BB對我係完全冇影響,只係想要錢,唔係擔心自己身體,我嗰一刻先明白原來攞返你應承咗要負責任嘅錢都可以係拜金。手術對身心帶來嘅傷害唔係我多講,我唔係想係到博大家同情,我相信唔會有任何一個女仔想俾人知道呢啲「風光」事,但係身邊越嚟越多人知我有過BB,原來又係因為你周圍講。我到呢一刻都唔知點解要周圍講…唔知你冇咗個小朋友,你會唔會都有罪惡感?

    另外,分手之後你鬧我話個BB係咪你嘅都唔知。試問我地24小時一齊訓覺、返工、食飯,所有嘢都係同你一齊做,嗰段時間我連朋友都冇見。點樣同其他人發生關係?呢啲你唔會唔知。為咗唔俾嗰10000可以講到咁,唔知邊個先係拜金呢?

    點解我哋會分手?係因為你喺我屋企嘅公司幫手,你完全冇上進心,就係諗住喺嗰度有份工就算。而係我地同居之後,我一直覺得我地係可以一齊到最後,我唔理未來有幾辛苦。但係後來見到你積蓄同我積蓄嘅分別,我開始諗我地係咪真係有將來呢。定係一直咁樣渾渾噩噩,每個月萬零蚊然後洗曬佢咁樣過日子?而且你之前有提到你嘅生活理念係要享受人生,唔洗為未來準備咁多,呢一刻快樂就夠,應該及時行樂,我理解到呢種諗法,但係同我想要嘅真係天差地別。如果係因為我係咁同你講要一齊儲錢,然後你一直洗嘅情況下,我選擇咗放棄呢段關係,咁樣就令我係一個拜金嘅女仔?咁樣就係一個港女咩?

    同埋我係同你分咗手過咗三個月先同你嘅best friend一齊,我係同你分手之後先同佢多咗相處。我冇出軌。

    你話你之後嘅日子都唔好過。但係我諗我哋共同friend都睇到你多姿多彩嘅IG,成日去蘭桂坊玩又入咗camp,識咗好多女,溝咗好多女,都食咗唔少個。仲要特登俾我知,你過得一啲都唔好?

    你話想追翻我,但係喺你追返我嘅同時你都追緊好多女仔,就連係我哋分手個段時間,你都周圍唱衰我。之前中學嘅同學,公司嘅同事,連可能一兩個禮拜先見一次嘅人都知道我哋嘅事,輿論一面倒,有你講冇我講。甚至係咁搵我屋企人,煩住佢哋。最後分手嘅時候,你鬧埋我屋企人連我屋企人都要唱衰?個陣你住緊邊個屋企?你「不計前嫌」,我都覺得你嘔心。一開始有理你,只係因為我心軟,後尾冷落你係因為我啲friend鬧醒咗我。你喺度維持呢段關係?一路食女,一路唱衰我,而家喺度扮深情?係咪只要我成為人人唾棄嘅人,你就會快樂?或者呢啲就係你人生嘅意義。

    希望你會負返你應該負嘅責任,唔好覺得個BB你冇責任,請你以後都要帶住你曾經有個小生命嘅「罪惡感」。


  • 公說公有理,婆說婆有理。
    作為外人只係睇到表面。

    一段關係既結束肯定係雙方都有責任。
    可能佢有做錯,你有不足。
    既然分左手就應該徹底劃上句號。

    你投稿為自己辯解係應該,因為大家淨係睇男方角度出發的確會睇得唔夠全面。

    希望你地發洩完可以各自有個新開始,而唔係冤冤相報。


  • 你地兩個講嘅嘢都好唔同,你反轉曬佢之前講過嘅嘢,旁觀者好難分到邊個真邊個假。不過最緊要係你地自己知自己事,唔好被自己對另一半嘅憎恨扭曲咗事實嘅真相
    無論點都好,放眼未來,各自有個新開始,好好珍惜眼前人


  • 其實男仔篇野都有話無曬啲fd,感覺好明顯男仔有問題居多


  • 佢會覺得個bb佢無責任呢點已經足夠證明佢好垃圾


  • 雖然出軌真係唔啱,但咁睇條仔真係好9,又要食軟飯,成身連份工都係女仔俾嘅,又冇自知之明同上進心😂一分手就妖魔化ex… 從唔肯負責任就知行唔到落去。加油,以你條件值得更好


  • 為什麼唔正面同對方對話🙂等待男方下次投稿繼續對質👍🏻


  • 所以話 單方面講既真係不能盡信😌


  • 睇女方 版本,我會buy女方。 btw,記得去做法事, 對你,對bb都好 , 如果唔係會跟住成世....


  • 話人比人唔帶套抵死個d10個有8個都係男人。你話個女生抵死同時諗下 個男嘅咁撚愛條女 就唔會為撚左自己爽一時唔撚帶套 講撚到條女好似叫佢唔帶中出自己咁 睇下前文先好黎抨擊條女 條仔真係咁撚愛 就唔會管唔住自己下半身啦


  • 「真相」只有兩個人先知 但男仔明顯有問題 分手就將責任全推卸對方身上 若然真係有所講既「愛」點解分手後要講d咁既說話去抵毀對方?

    仲要有小朋友絕對係男方責任 真心愛一個人會保護佢 唔會想佢受到傷害 不但要承受身體上 還要面對心理上 男既仲話唔關佢事 記住今日所做總有一天回到自己身上

    理解點解女方咁嬲 支持你寫這篇為自己發聲

    但之後要好好放下這些
    因為你將來過得美滿幸福
    就係最好封住這種人把口

    加油💪🏻


  • 我都遇過一啲 得唔到 就將所有野 都扭曲哂黎講 仲要無中生有 生安白造🤦🏻‍♀️嘅男仔🫠真係好CS 真係無聊到 會同你身邊嘅人 係咁講 無啦啦都要打俾人煲粥屈我🙂係我個frd唔信 揾我問番⋯揸男sss真係好CS 遇到當上左堂 唔好彩


  • 條仔邊食邊扮慘正宗撚樣黎


  • 整係睇唔肯戴套都知佢有幾”愛”一個人


  • 驟眼睇條仔就仆街㗎啦👉🏽👈🏽
    不過你又同人哋嘅best friend一齊係尷尬啲嘅…


  • 男事主會唔會出黎再講
    擋台已經準備好

  • 匿名

    你係上泥問意見定make a statement?

    閱讀更多

  • 匿名

    我係女性我明白你嘅處景,但如果你自己唔想無了期咁等,就唯有選擇放手。

    閱讀更多

  • 匿名

    嫌三嫌四,抵你死啦 😂而家就黎三張嘢 ,其實人地都冇諗過要娶你😂😂

    閱讀更多

  • 匿名

    理性討論,想知其實結婚果陣係咪正常都男方出晒?定通常會一半半

    閱讀更多

  • 匿名

    阿哥想吞左間公屋😂?

    閱讀更多

  • 匿名

    有心同你結婚,就算冇錢都會去簽紙,你咁都唔明?

    閱讀更多

  • 匿名

    點解結婚要儲錢 😪 簽張紙都係結婚

    閱讀更多

  • 匿名

    放過自己放過個男仔啦,一個就嚟30歲嘅人連儲錢嘅習慣都冇,好明顯係冇諗將來啦

    閱讀更多

  • 匿名

    佢一出世就係大陸人啦,你唔係第一日知,既然係咁,點解你要同一個你歧視嘅人一齊?

    閱讀更多

  • 匿名

    分手,條仔都冇諗你,你洗乜諗佢

    閱讀更多

  • 匿名

    唔知邊個浪費緊邊個既時間 及早收手對大家都好😂

    閱讀更多

  • 匿名

    你男朋友無諗過同你的未來,佢呀哥都當你透明,佢媽應該都冇乜錢比佢哋兩兄弟,如果你想呢幾年買樓結婚,呢個男朋友就唔好考慮

    閱讀更多

  • 匿名

    小姐,你條仔條件本來就唔好,而家仲話要幫屋企供樓,佢連自己都未顧得掂,仲邊有資格諗將來,仲話要諗埋你,講出嚟你都覺得冇可能啦,成件事已經好明顯,你咁有母愛想湊仔咩?湊下貓仔狗仔好過啦,洗咩湊男人😑

    閱讀更多

  • 匿名

    我30,男朋友27
    一齊左三年,同居左差不多一年

    前排男朋友突然同我講佢呀哥話要係大陸買層樓比媽媽住,要我男朋友一齊供,未知幾時,但有喱個計劃。首先,佢係單親家庭長大,佢同呀哥、媽媽都係新移民,而本身都有公屋住緊,但我男朋友就出黎同我租屋住。佢呀哥單身,冇女朋友。

    我想講供唔係問題,但我男朋友本身同我出黎住已經唔係幾草到錢,佢屋企人可能唔知,而我男朋友亦都冇諗住同佢地講自己有經濟困難。我明佢覺得自己係仔,好應該盡孝道🤦🏻‍♀️但佢連自己既將來都兼顧唔到。

    我今日同佢講如果喱到完約既話,就叫佢搬番去同屋企住,我返返去同屋企人住,一黎佢都決定左要供,搬番去草到錢,冇咁大壓力。二黎,我覺得佢冇將我計劃係將來入面,因為我已經唔細,我唔知我要等佢幾耐,佢先有經濟能力同我結婚,佢本身冇乜積蓄。。。平時食飯都係你一餐我一餐,其他野都接近全部AA。三黎,我屋企人有自己既物業s,佢地成日都想我返去住。

    再講,到佢真係係大陸買左層樓,佢係咪要搬埋過去住?定係香港搵地方同我租?佢到而加都未肯定。我同佢人工其實差唔多,而佢呀哥既人工係我地既一半有多,我唔明點解佢呀哥想買樓要搵我男朋友幫手供,佢自己就話有經濟能力,唔通你唔知你細佬冇乜錢?

    我唔想同佢分手,除左其實我一直 Care 佢係大陸人、我唔會同佢去大陸之外,佢各方面都對我好好,我同佢一齊係將我所有野All in,換黎可能到最後都係浪費緊時間。

    閱讀更多

  • 匿名

    即係咁… 其它嘢我唔講 但病我都可以講兩句 唔講研究 研究太死 我直系屋企人上幾代係無糖尿 但我有 但我嘅表XX舅公係有 而佢哋幾個小朋友都無 所以你「男朋友」有唔代表你哋小朋友一定會有🙂再講 如果佢係擔心嘅 應該一早同你講/唔做🙂不過… 盲目係一件好事嚟嘅

    閱讀更多

  • 匿名

    碼頭拒絕俾你靠岸

    閱讀更多

  • 匿名

    佢大你廿年 ,就當你20歲 即係佢都40歲啦,都唔緊要 因為年齡唔係問題
    但之前女朋友分手上屋企偷野所以屋企人會介意呢咁求9其既籍口都信🙂仲話落左bb會同你簽紙 呢類人可能落完人都唔見埋

    閱讀更多

  • 匿名

    係公司識,但係夜場返工,姐係個男人係夜場識,去夜場玩嘅男人,你想佢有幾真心?

    閱讀更多

  • 匿名

    其實唔駛諗咁多!佢真係乜都冇呃妳,連唔想同妳都冇呃妳。所以如果妳真係覺得要同對方結婚,佢唔屬於妳應該考慮嘅對象⋯⋯

    閱讀更多

  • 匿名

    講到屋企人未見你都已經好大機會唔鐘意你咁,你仲信佢落咗bb就真係會同你結婚?

    閱讀更多

  • 14
  • 16
  • 16
  • 16
  • 16
  • 15
  • 16
  • 16
Copyright © 2023 elahk.com. All Rights Reserved.
Sponsored by facialhk.com